JEREMÍAS 5:6 - Biblia Guarani Tumpa Iñee

⁶ Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 5:6 ပူးပေါင်းရင်းမြစ်များ

2 CRÓNICAS 36:14

Jökorai vi opaete sacerdote tenondegua reta, jare tëta pegua reta jeiete yae ikavimbae oyapo, omomoe reta tëtaguasu pegua reta jeko ikavimbae yae vae, jare yandeYa jo jae oñono tee Jerusalén pe vae omongɨa reta.

ESDRAS 10:10

Jare Sacerdote Esdras opüa jare jei chupe reta: —Pe reta peyoa, echa pereko kuña reta ketɨgua, jökorai jeiete pemoïru Israel iñemuña reta iyoa.

ESDRAS 9:6

jare jae: “Cheru Tumpa, chemara jare mbaetɨ aikuaa mbae jae vaerä ndeve cheTumpa, echa oasa ete oreyoa, jare orereko reta oupitɨ ara.

JOB 10:16

Añemopüa ye yave, nde yaguapope rami reyuta cheve, jare reyapo yeta chekotɨ mɨakañɨ.

SALMOS 104:20

Rembou pɨtumimbi, pɨ̈tu vaerä, jayave oë oguata mɨmba kaa rupigua reta.

SALMOS 80:13

Taitetu opaetei omopë mopë; ¡jare mɨmba ñana rupigua opa jou!

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 59:12

Echa orembaeyoa jeta yae ndekotɨ, oreyoa aeño oñeapo oï oreré; echa ore ndive oï oreyoa reta, roikuaa ikavimbae royapo vae.

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 25:38

Oë, yaguapope raɨ jaitɨ oeya rami, echa ɨvɨ oyemboai opɨta, tovaicho reta iyarasɨ rupi, yandeYa iyarasɨ ramo.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 30:15

¿Maera pa peroäse pepere? Pembaerasɨ ipöambae ko. Ikavimbae jeta peyapo jeko pegua, jare peyoa jeta yae vae jeko pegua, körai poapo.

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

EZEQUIEL 16:25

Opaete tape oyoasaa ñavo rupi remopüa mbaemboete renda, nepöra yae vae remopɨ̈chɨi, reñemee opaete oasa jokoropi vae pe, jökorai rembojeiete aguasa reyapo vae.

EZEQUIEL 22:27

Nderuvicha reta aguarayaɨmba reta rami oporoyuka, opɨyere reta tugüɨ, oporoyuka reta oyemboikokatu vaerä.

EZEQUIEL 23:19

Ërei jeieteño iyaguasa pota, taɨrusu yave Egipto pe iyaguasa pota oiko rami,

DANIEL 7:4

Tenondegua jae ko yaguapope rami, ërei ipepo güɨraké ipepo rami. Che amae aï jese ramboeve, oyeekɨ chugüi ipepo reta, omopüa reta ɨvɨ güi jare omboyemboɨ ipɨ jaɨkuegua re, oyemboɨ metei kuimbae rami, jare oñemee chupe kuimbae ipɨa.

DANIEL 7:6

Mboapɨa mbaeporou jae ko yaguapara rami, ërei güɨnoi irundɨ ipepo ikupe re; aecha vi güɨnoi irundɨ iñäka jare oñemee chupe mbaepuere.

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

HABACUC 1:8

Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

NÚMEROS 32:14

Jare añave pe reta imbaeyoa vae iñemuña reta, pemomoe peru reta jeko, pemoïru vaerä yandeYa iyarasɨ Israel iñemuña reta kotɨ.

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.