JEREMÍAS 5:31 - Biblia Guarani Tumpa Iñee

³¹ Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 5:31 ပူးပေါင်းရင်းမြစ်များ

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

PROVERBIOS 17:4

Jeko kavimbae jare yapu yae vae, güɨrovia katu ipɨapochɨ vae iñee reta.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 20:6

Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 26:7

Jare sacerdote reta, ñeemombeúa reta jare opaete vae reta oendu Jeremías imiari kuae ñee reta yandeYa itupao pe vae.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

LAMENTACIONES 4:18

Orepïaro reta opaete oreguataa rupi; mbaetɨ orepuere roë kaye pe. Oväe ma oreapɨ vaerä, oväe ma ara, ¡oväe ma oreapɨ vaerä!

EZEQUIEL 13:10

Jae reta ombotavɨ chembae vae reta, jei reta chupe: ‘Opaete mbae jaekaviño ko oï’, mbaetɨ etei reve mbae ikavi oï. Kia oguambɨ omopüa, jare ïru omotɨnɨe tuyuapoiño pe vae rami ko.

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

EZEQUIEL 22:14

Agüɨye eyemongeta ndepuereta reyemboɨ cheróvai rojäa yave. Che peYa jae jare ayapota kuae:

OSEAS 4:9

Opaete vae reta, sacerdote reta ramiño vi, aiporaraukata chupe reta jeko re.

OSEAS 6:10

Israel pe aecha mbaembae ikavimbae yae vae; Efraín pegua reta oikomegua, Israel pegua reta oyemongɨa.

OSEAS 9:5

¿Mbae pa peyapota arete mbaemboete pegua oväe yave, yandeYa pe arete oyeapo vae?

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 2:6

“¡Agüɨye pemoërakua oreve mbae outa vae, echa ngaraa maratu roasa!”

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.