JEREMÍAS 5:26 - Biblia Guarani Tumpa Iñee

²⁶ Echa oime tëta chembae pe kuimbae ipɨa-pïrimbae reta, oporopïaro reta, güɨra oipïaro vae reta rami, oyapo ñuai, pɨpe oipɨɨ vaerä ïru vae reta.

JEREMÍAS 5:26 ပူးပေါင်းရင်းမြစ်များ

SALMOS 64:5

Ipɨayemboete reta jupimbae oyapo vae rupi; oyemongeta reta ñuai oñomi oñono vaerä, jare jei reta: “¿Kia pa oechata?”

PROVERBIOS 1:11

Jei yave ndeve reta: “Eyu ore ndive; yaeka kërai yaporoyuka vaerä, ñaipïaro jekombae.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 18:20

¿Ikavimbae pe yera oyemboekovia ikavi vae? ¡Jae reta oyoo rami ɨvɨkua cherekove peguarä! Nemaendúa che añeñono nderóvai romoñera vaerä jese reta, rembosɨrɨ vaerä chugüi reta ndearasɨ.

JEREMÍAS 18:22

Embou chupe reta iparanoe jetagüe tovaicho. ¡Jäse reta toyeendu jo rupi okɨɨye güi! Echa oyoo reta ɨvɨkua chepɨɨ vaerä, ñuai oñono reta cheraperä pe.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 9:8

Uvɨ jakuarovi rami ko iñee reta; apuño imiari reta; imiari kavi reta iñeïru ndive mbɨakatu re, ërei ipɨa pe oporopïaro reta.

MIQUEAS 6:10

¿Jekuaeñoi pa oime jeko kavimbae jo pe mbaeyekou jupimbae jare mbaejäaka oyemboyoavɨgüe aröɨro yae vae?

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

San Lucas 5:10

Jaeramiño vi Simón ïru reta Jacobo jare Juan, jae ko Zebedeo taɨ reta. Jayave Jesús jei Simón pe: —Agüɨye ekɨɨye. Añave güive reikota ïru vae reta re reyeporaka vaerä.