JEREMÍAS 5:24 - Biblia Guarani Tumpa Iñee

²⁴ Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

JEREMÍAS 5:24 ပူးပေါင်းရင်းမြစ်များ

GÉNESIS 8:22

Oime ɨvɨ oiko ramboeve ngaraa opɨta maetɨ jare mbaarɨvo; iroɨ jare araku, araku guasu jare iroɨ guasu, ara jare pɨ̈tu.”

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

JOB 29:23

Cheräro reta ikɨ̈reɨ ngatu reve, araku yave ama okɨta vae oäro vae rami.

JOB 38:37

¿Kia pa yarakuaa katu jare oikuaa amapɨtu mbovɨ ra ñogüɨnoi vae, kia pa omoäpɨata amapɨtu, okɨ vaerä?

JOB 5:10

Ombou ama ɨvɨ iárambo vae; jae omongɨ ñana reta re.

SALMOS 147:8

Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re.

SALMOS 65:9

Nde reyangareko ɨvɨ re, remongɨ jese jare jeta mbaagüɨye; ndeɨ jeta ombokuakuaa temitɨ, nderemimbota rupi.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

JEREMÍAS 10:13

Iñee rupi jɨapu ɨ ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu, oñovatúa güi.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

ZACARÍAS 10:1

Peiporu yandeYa pe ama taɨkuegua, jae ama-vera oyapo vae ombouta peve jeta ama jare kaa jokɨ katuta peve.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

Hechos 14:17

Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.

Santiago 5:7

Jáeramo, cherɨvɨ reta, pepɨaguasu yandeYa ou ye regua. Mase, omaetɨ vae oäro ko mbaagüɨye ikavi vae; oäro ipɨaguasu reve tenondegua ama.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.