JEREMÍAS 5:23 - Biblia Guarani Tumpa Iñee

²³ Ërei ngatu pe reta peyembopɨa täta jare peyembopɨapochɨ; peyerova chegüi jare opa chereeya.’

JEREMÍAS 5:23 ပူးပေါင်းရင်းမြစ်များ

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 31:6

Israel iñemuña reta, peyerova ye jókuae peyembopɨapochɨ yae ikotɨ vae kotɨ.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 6:28

Opaete jae reta ipɨapochɨ vae reta ko, iñee ndaye reta, opaete oikomegua vae reta ko, jiero jare jiero iyu vae reta rami ko.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 4:8

Chembae vae reta mbaeyoa oyapo vae re peiko; jáeramo peipota yae oyapo reta mbaeyoa.

SOFONÍAS 3:1

¡Paravete Jerusalén, tëta ipɨapochɨ vae, tëta guasu oyemongɨa mbaeyoa pe vae, tëta guasu ipïrimbae!

DEUTERONOMIO 21:18

Oime yave kia nunga vae taɨ mbaetɨ oipota oyapo mborookuai jare ipɨapochɨ, yepe tëi oyókuai tu ani ichɨ, jare yepe tëi oinupa jese,

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;