JEREMÍAS 5:22 - Biblia Guarani Tumpa Iñee

²² Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

JEREMÍAS 5:22 ပူးပေါင်းရင်းမြစ်များ

GÉNESIS 1:9

Jei vi körai Tumpa: “Toyemboatɨ ɨ reta ara igüɨ pe oï vae meteia peño, jare toyekuaa otini vae.” Jare oiko jökorai.

1 REYES 13:28

Jayave ñeemombeúa indechi vae ojo jare oväe chupe jëogüegüe oyepɨso oï tape pe, iyɨpɨ pe oime oï imburika jare yaguapope. Jókuae yaguapope mbaetɨ yepe jou tëogüe ani oyuka mburika.

JOB 26:10

Oñono ɨguasu, omboyao vaerä tembipe jare pɨtumimbi.

JOB 37:24

Jáeramo kuimbae reta oipoɨu chugüi, chupegua mbaeä etei yarakuaa katu oyeapo vae reta.

JOB 38:8

¿Kia pa oyopia ɨguasu, oyepɨyere yave jembeɨ güi?

SALMOS 104:9

nde reñono chupe reta jembeɨrä, agüɨye vaerä oasa, ngaraa ye ma oñova ɨvɨ.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 33:7

Jae omboatɨ ɨ reta ɨguasurä, oñono jenda pe ɨguasu reta tɨpɨ yae vae.

SALMOS 46:3

yepe tëi ɨguasu jɨapu jare opüa ɨaparúa, yepe tëi ɨvɨtɨ guasu reta okana ɨguasu iyarasɨ yae jeko pegua.

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

PROVERBIOS 8:29

oyókuai ɨguasu agüɨye vaerä oasa jembeɨ güi yave, oñono ɨvɨ iguapɨ ka re yave,

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 64:2

tata jaku rai yae vae mbae omondɨkui vae rami, tata ombopupu ɨ vae rami. Jayave nderovaicho reta ndekuaata, jare tëtaguasu reta orɨrɨita nderóvai.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 31:35

YandeYa, oyapo kuaraɨ omboesape vaerä ara pe vae, yasɨ jare yasɨtata reta omboesape vaerä pɨ̈tu rupi vae, ɨguasu oipɨu jare ɨaparúa jɨapu oyapo vae, jae ko jee yandeYa Imbaepuere yae ete vae; jei körai:

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

AMÓS 4:12

“Jáeramo, jökorai ñotai ko poapo, pe Israel iñemuña reta; ¡jayave, peyupavo peñoövaiti vaerä peTumpa ndive!”

AMÓS 9:6

YandeYa oñono jo ara pe jare ara oasavi vae ɨvɨ iárambo; jae ko omboatɨ ɨ reta ɨguasu pegua, jare opɨyere ɨvɨ iárambo. Jae ko jee yandeYa.

JONÁS 1:16

Jare jókuae kuimbae reta oipoɨu yae yandeYa güi, jare omee reta mɨmba oyeyukagüe yandeYa pe, jare oñererökuavee reta chupe.

NAHUM 1:4

Oñeengata ɨguasu pe jare opa omotini. Opa omotini opaete ɨ̈aka. Basán pegua ko reta jare ɨvɨtɨ Carmelo opa otini, Líbano pegua mbaepotɨ reta opa ipiru.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Marcos 4:39

Jayave Jesús opüa, jare oñeengata ɨvɨtu pe, jei reve: —¡Epɨta! ¡Eñemokïrii! Javoi ɨvɨtu opɨta, kïrii ngatu opɨta.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

DEUTERONOMIO 28:58

Mbaetɨ yave peyapo opaete mborookuai oyekuatía oï kuae tembikuatía pe vae, mbaetɨ yave peipoɨu kuae tee mbaemboetea jare kɨɨyea güi, jae ko: YandeYa Tumpa.

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”