JEREMÍAS 5:21 - Biblia Guarani Tumpa Iñee

²¹ Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

JEREMÍAS 5:21 ပူးပေါင်းရင်းမြစ်များ

SALMOS 94:8

¡Pe mbaetɨ pearakuaa vae reta, pearakuaa mo peyeupe! Pe mbaetɨ pearakuaa vae reta, ¿kërai yave pa pearakuaata ma peyeupe?

PROVERBIOS 17:16

¿Mbaerä pa yarakuaambae oguata arakuaa, mbaetɨ etei reve iyarakuaa?

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

ISAÍAS 44:18

Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 5:20

‘Emombeu Israel pegua reta pe jare toendu vi Judá pegua reta, kuae:

JEREMÍAS 5:4

Che jae cheyeupe: Yarakuaambae retaño ko mbaetɨ jeko kavi, echa mbaetɨ oikuaa reta yandeYa jemimbota regua jare iporookuai reta.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

San Marcos 4:12

Kuae ayapo agüɨye vaerä oikuaa kavi, yepe tëi oecha reta, ërei mbaetɨ oecha kavi reta, yepe tëi oendu reta, ërei mbaetɨ oikuaa reta, agüɨye vaerä oyerova reta Tumpa kotɨ, iyoa reta oyemboai vaerä.”

San Marcos 8:18

Oime tëi peresa reta, ërei mbaetɨ peecha; oime tëi peapɨsa reta, ërei mbaetɨ peendu. ¿Mbaetɨ pa pemaendúa?

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

Hechos 28:26

“Ekua jare ere kuae tëta pe: Peendu tëita, ërei ngaraa peikuaa. Peecha tëita, ërei ngaraa peecha.

Romanos 1:20

Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.”

Romanos 11:8

Tumpa Iñee pe jei rami: “Tumpa omee chupe reta agüɨye vaerä iyarakuaa reta. Jáeramo yepe tëi omongeta reta Tumpa Iñee, ërei mbaetɨ oikuaa reta, jare yepe tëi oendu reta Tumpa iñee, ërei mbaetɨ güɨrovia reta añave regua.”

DEUTERONOMIO 29:3

pe reta peecha ko opaete jókuae yemboaporova tuichagüe jare mɨakañɨ tuichagüe.

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!