JEREMÍAS 5:17 - Biblia Guarani Tumpa Iñee

¹⁷ Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 5:17 ပူးပေါင်းရင်းမြစ်များ

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

ISAÍAS 62:9

ërei opaete pearɨvo jare pemboɨrugüe peuta jare pemboeteta che peYa Tumpa; peipoota uva reta jare peuta vino, peuta chero oñeñono tee vae joka pe.”

ISAÍAS 65:22

Ngaraa oyapo reta o, ïru vae oiko vaerä pɨpe, ngaraa vi omaetɨiño kia jou vaerä; echa ɨvɨra reta yogüɨreko puku vae rami ko, chembae vae reta yogüɨreko pukuta, jare cherembiparavo reta oyekouta iparavɨkɨ re.

JEREMÍAS 1:15

Mase, che amboatɨta opaete ɨvɨtuguasu kotɨgua reta. Yogüeruta juvicha guasu reta, jare oyembojeyupa retata metei ñavo, Jerusalén jöke ñavo pe, jare opaete ikësea ikupe rupi, jare opaete tëta guasu reta Judá pegua rupi.

JEREMÍAS 25:37

YandeYa iyarasɨ, jare opa omboai kapii katu.

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 5:18

YandeYa jei: “Jókuae ara, ngaraa opaetei amokañɨtei Judá pegua reta.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 50:7

Jovaicho reta oväe yave oyuka jou, jare jei reta: ‘Mbaetɨ ko teko ñanoi, echa jae reta ko iyoa iYa kotɨ, ikapiirupa ikavigüe kotɨ, iñemuñagüe reta iyeroviaka.’

JEREMÍAS 8:13

YandeYa jei: “Tëta chembae vae ayasɨata trigo opa oyeasɨa rami. Ngaraa opɨta uva ave uva jäka re, ɨva ave mbaetɨta ɨva jäka re. Jaeño opɨtata joo ipirugüe.”

JEREMÍAS 8:16

¡Ou ma tovaicho! ¡Dan peve oyeendu ma ikavayu reta iñäpɨgua omoñee vae! Ikavayu reta iñee pe, omokana opaete ɨvɨ. Yogüeru omboai vaerä ɨvɨ jare opaete pɨpegua, tëta guasu reta jare opaete yogüɨreko pɨpe vae.”

LAMENTACIONES 2:12

Michia reta jei ichɨ pe: “¿Jama pa tembíu yau vaerä?” Omano reta ramboeve tëta guasu joka rupi iperegüe rami, ichɨ jäpapau pe oyekɨi reta.

LAMENTACIONES 2:2

YandeYa oporomboai, iñɨ̈rombae reve, iyarasɨ rupi omboai opaete Jacob iñemuña reta jo guakapi pegua, opa omboai ñepɨ̈roka reta Judá pegua. Opa omomichi mborookuaía reta jare mburuvicha reta.

EZEQUIEL 36:4

jáeramo, ɨvɨtɨ reta Israel pegua peyeapɨsaka, yandeYa Tumpa jei ɨvɨtɨ guasu jare ɨvɨtɨ raɨ reta pe, ɨ̈aka raɨ reta pe, ɨvɨtɨ päu ipe kavi vae reta pe; tëtagüe reta pe jare Israel pegua tëta guasu reta oyeeyagüe pe, tovaicho reta opa mbae opɨ̈ro chugüi vae; jare iyɨvɨrigua tëtaguasu reta oyóyai yóyai vae;

OSEAS 2:12

Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

OSEAS 8:14

Israel oyapo o reta ikavigüe, ërei ñakañɨ iYapoa Tumpa güi, Judá omopüa jeta tëta guasu reta jëguambae, ërei che opata amboai tata pe jókuae tëta guasu reta, jare mburuvicha guasu jo reta opata oyemboai.”

JOEL 2:3

Tata opaetei oapɨ mbae vae rami ko; opaeteita mbae omboai oeya. Oasa yave, ɨvɨ ikavi vae opaeteita ko omboai oeya ɨvɨ ipombae rami; ¡ngaraa vi oime kia ojoyepe chugüi vae!

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

SOFONÍAS 3:6

YandeYa jei: “Opa amboai tëtaguasu reta, opa amboai maeka reta tëta guasu ikësea regua; ikaye ipombae opɨta, mbaetɨ etei pɨpe vae.

MALAQUÍAS 1:4

Edom iñemuña reta jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.