JEREMÍAS 5:13 - Biblia Guarani Tumpa Iñee

^13-14 Ɨvɨtu ramiño ko ñeemombeúa reta, echa yandeYa iñeeä ko omombeu reta. Körai jei cheve Tumpa, yandeYa imbaepuere yae ete vae: “Jókuae ñee jei reta jeko pegua, kuae toiko chupe reta: Cheñee reta toï tata rami chupe reta ndeyuru pe, jare kuae tëta toñogüɨnoi yepea rami, jókuae tata topa tomboai.”

JEREMÍAS 5:13 ပူးပေါင်းရင်းမြစ်များ

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

JOB 6:26

¿Peyemongeta pa pejäa vaerä cheñee reta, che aiporara vae cheñee mbaeä etei ko vae?

JOB 8:2

¿Kërai yave regua pa jekuaeñota rere kuaekuae reta; jare neñee reta jekuaeñota opɨtambae ɨvɨtuai rami?

PROVERBIOS 25:14

Amapɨtu ɨvɨtu reve vae okɨä, jökorai ko kuimbae, oyemboete reve güɨrökuavee mbae omee vaerä vae, ërei mbaetɨi omee.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 14:15

Jáeramo che peYa jae, jókuae ñeemombeúa reta cheree re omoërakua mbaetɨ tëi ambou reta vae regua, echa omoërakua reta mbaetɨta ñeraro ani karuai kuae ɨvɨ pe vae; jae reta omanota ñeraro jare karuai rupi.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 28:3

mókoi añoa re aruruka yeta kuae pe, opaete jókuae tembiporu reta tupao pegua, mburuvicha guasu Nabucodonosor güɨrajagüe.

JEREMÍAS 43:2

Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.