JEREMÍAS 49:37 - Biblia Guarani Tumpa Iñee

³⁷ Elam amborɨrɨiukata okɨɨye güi jovaicho reta jóvai, aruta chupe susere reta, aitɨta chearasɨ jese reta, jare ambouta chupe ñeraro opaetei omokañɨtei regua. Che ndeYa ko jae kuae.

JEREMÍAS 49:37 ပူးပေါင်းရင်းမြစ်များ

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 48:2

Moab jërakua yae vae jaema opa. Hesbón pe tovaicho reta oyapo yemongeta, tëtaguasu Moab omboai vaerä. Jökoraiño vi nde Madmena, reyemboaita, ñeraro ngaraa osɨrɨ ndegüi.

JEREMÍAS 48:39

¡Pepɨatɨtɨ yae Moab re! ¡Kërai opa oyemboai oï! ¡Ikupeño omee jare imara yae! Moab iyemboai opɨta kɨɨyearä jare omae kaviä vaerä jese, opaete iyɨ́vɨri rupigua reta peguarä.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 49:24

Damasco, otekuaraita tëi, ërei jëogüe. Ou jese kɨɨye jare mbɨatɨtɨ, orɨrɨi metei kuña imembɨ oa oï vae rami.

JEREMÍAS 49:29

Pepɨ̈ro jo reta guakapi pegua jare jɨmba reta, iasoya jare opaete jembiporu reta. Pepɨ̈ro chugüi icamello reta jare pesapúkai, pere: ‘¡Opaetei okɨɨye ñogüɨnoi vae!’

JEREMÍAS 49:38

Cheporookuaía añonota Elam pe, amokañɨteita juvicha guasu reta jare mburuvicha reta. Che ndeYa ko jae kuae.

JEREMÍAS 49:5

Mase, oipota rupi güi aruta nderé rekɨɨye yae vaerä. Che, Tumpa Imbaepuere yae ete vae jae. Metei ñavo pegüi reta oëta otekuarai jape jape ae rupi, jare mbaetɨta kia omboatɨ ye otekuaraigüe reta.

JEREMÍAS 50:36

¡Ou ñeraro maratuta vae imombeúa reta pe; timbokere topɨta! ¡Ou ñeraro isundaro reta pe; tiñamɨri reta!

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

JEREMÍAS 9:15

Jáeramo, che peYa Imbaepuere yae ete vae, Israel iTumpa, jae: Ameeta jou reta mbae iro yae vae jare ameeta oɨu reta ɨ oyemombayachigüe re.

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

EZEQUIEL 12:14

Jare iyɨvɨrigua reta, jembiokuai reta ani iyangarekoa sundaro reta opata amoai amoai oipota rupi, jare aaɨkuemoñaukata ñeraro pe.

EZEQUIEL 32:23

Jɨvɨa reta oñeñono ɨvɨkuasoro pe jare isundaro reta jɨvɨa ñogüɨnoi iyɨ́vɨri rupi, opaete kuae reta omano ñeraro pe; kuae reta oporomongɨɨye reta yepi ɨvɨ pe.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.