JEREMÍAS 49:31 - Biblia Guarani Tumpa Iñee

³¹ Che, Tumpa ko ayókuai: ¡Pepüa, peporepeña jókuae tëtaguasu oiko pɨagüive jare oyerovia iyé vae re, jöke reta ave mbaetɨ jare imotätaa, jare jaeño etei oiko!

JEREMÍAS 49:31 ပူးပေါင်းရင်းမြစ်များ

SALMOS 123:4

¡Orembogüérai ma oikokatu vae reta imbaeyuvanga, jare ipɨayemboete vae reta iporogüɨröɨro!

SALMOS 73:12

¡Mase kuae iyoa vae reta! Yemboavaimbae reve güɨnoi reta jeta mbaeyekou.

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

ISAÍAS 32:9

Pe, kuña reta, mbaetɨ peyemoambeko mbae re vae, peyeapɨsaka kuae jaeta vae re. Pe, kuña reta, peiko pɨagüive vae reta, peyeapɨsaka ñee jaeta vae re.

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 47:8

Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

JEREMÍAS 48:11

Tëta Moab oyeapo ramo güive oiko pɨagüive, mbaetɨi oyereraja tembipɨɨrä ïkotɨa. Jae ko, vino oguapɨ kavi jɨru pe vae mbaetɨi oyekuavo jɨru güi ïru jɨru pe vae rami, jáeramo mbaetɨ okañɨ chugüi jëe ngatu vae.

EZEQUIEL 30:9

Jókuae ara amondota ñee jerajaa reta barco reta pe Etiopía pegua reta pe, jókuae oyemoambekombae ñogüɨnoi vae pe, jare jae reta okɨɨye yaeta Egipto pegua reta okɨɨye rami. Jókuae ara outa ete ma oväe.

EZEQUIEL 38:11

Rereta: Taporepeña kuae ɨvɨ oyeepɨ rapembae vae re, oyeandumbae yogüɨreko vae reta re; opaete yogüɨreko jëta guasu ikëseambae pe jare jökembae pe.

EZEQUIEL 39:6

Jare ambouta tata tëta Magog re jare opaete ipɨagüive ɨguasu jembeɨ rupi yogüɨreko vae reta re. Jare oikuaa retata che ko jae Tumpa vae.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

NAHUM 1:12

YandeYa jei tëta imbae vae pe körai: “Yepe tëi Asiriaɨgua reta imbaepuere yae jare jeta yae jökorai reve opata oyemboai, opata okañɨtei reta. Che ko jeta aiporarauka ndeve, ërei ngaraa ye ma aiporarauka ndeve.

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.