JEREMÍAS 49:3 - Biblia Guarani Tumpa Iñee

³ ¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

JEREMÍAS 49:3 ပူးပေါင်းရင်းမြစ်များ

2 SAMUEL 11:1

Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:5

Omboete Astoret, jae ko Sidón pegua reta itumpa kuña, jare Milcom, Amón iñemuña reta itumpa-raanga ikavimbae yae vae.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

ESDRAS 2:28

Bet-el jare Hai pegua reta dosciento veintitré.

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 15:2

Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

ISAÍAS 16:7

Jáeramo, opaete Moab pegua reta, oyaeota ko jëtaguasu re, oyaeo retata ko ipɨatɨtɨ reve, oyaeo retata kuimbae reta Kir-hareset pegua re.

ISAÍAS 23:1

Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

ISAÍAS 23:6

Jei retata: “Pekua Tarsis pe, peräse peyaeo, ɨguasu jembeɨ rupigua reta.”

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 46:25

YandeYa Imbaepuere yae ete vae Israel iTumpa jei: “Amboaita Amón, Tebas itumpa jare Egipto itumpa-raanga reta, aiporaraukata Egipto pe, jare juvicha guasu reta pe; aiporaraukata Faraón pe jare güɨrovia katu jese vae reta pe.

JEREMÍAS 48:2

Moab jërakua yae vae jaema opa. Hesbón pe tovaicho reta oyapo yemongeta, tëtaguasu Moab omboai vaerä. Jökoraiño vi nde Madmena, reyemboaita, ñeraro ngaraa osɨrɨ ndegüi.

JEREMÍAS 48:20

Ñemomarai pe oï Moab jare mbɨatɨtɨ tuichagüe pe. ¡Peyaeo jasɨ katu reve jese! ¡Pemoërakua ɨ̈aka Arnón pe Moab oyemboai oï vae re!”

JEREMÍAS 48:37

Opaetei ia jare jendɨvaa oñapi reta; opaete oyembopere ipo reta rupi, jare oyemonde reta temimonde mbɨatɨtɨ pegua pe.

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

AMÓS 1:15

Jare juvicha guasu ojota tembipɨɨrä opaete imborɨa reta ndive.” Jei yandeYa.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

Santiago 5:1

¡Peyeapɨsaka, pe peikokatu vae reta! Peyaeo jare peräse, susere reta outa peré vae re.

JOSUÉ 7:2

Jaɨkue rupi Josué omondo kuimbae reta Jericó güi tëta Hai, Bet-avén iyɨpɨ pe oï vae pe, Bet-el güi kuaraɨ oëa kotɨ; jei chupe reta yogüɨraja vaerä omae jókuae ɨvɨ re. Jare jae reta opa yogüɨraja omae tëta Hai re.

JOSUÉ 8:1

YandeYa jei Josué pe: “Agüɨye ekɨɨye, agüɨye vi eyembopɨtu, emboatɨ ndeyeupe opaete kuimbae reta ñeraro regua, jare eporepeña tëta Hai re. Mase, che amee ko ndepo pe mburuvicha guasu Hai pegua, opaete joko pegua reta, tëta jare iɨvɨ.

JOSUÉ 8:28

jare Josué oapɨ Hai, omokañɨtei oeya jekuae avei pegua, jökorai opɨta añave regua.