JEREMÍAS 49:29 - Biblia Guarani Tumpa Iñee

²⁹ Pepɨ̈ro jo reta guakapi pegua jare jɨmba reta, iasoya jare opaete jembiporu reta. Pepɨ̈ro chugüi icamello reta jare pesapúkai, pere: ‘¡Opaetei okɨɨye ñogüɨnoi vae!’

JEREMÍAS 49:29 ပူးပေါင်းရင်းမြစ်များ

GÉNESIS 37:25

Jare oguapɨ reta okaru. Ërei omopüa reta iñäka yave, oecha reta jeta Ismael iñemuña reta yogüeru ɨvɨ Galaad kotɨ güi vae, jare icamello reta re güeru mbae ikäti kavi vae, ɨvɨra yaɨsɨ bálsamo jare mirra, güɨraja reta vaerä Egipto kotɨ.

JOB 1:3

Güɨnoi siete mil vecha, tres mil camello, quiniento yoayu güeye, jare quiniento mburika, jare jeta yeyé jembiokuai reta; jare jókuae kuimbae oikokatu yae ye opaete kuaraɨ oëa kotɨgua reta güi.

SALMOS 120:5

¡Cheparavete, che aiko mombɨrɨ Mesec pe vae, ani mombɨrɨ Cedar pe aiko o guakapi pegua pe rami!

SALMOS 31:13

Echa jeta vae güi aendu ndaye reta chekotɨ, oipota rupi güi chemongɨɨye. Metei rami oyemongeta reta oyapo vaerä ikavimbae cheve, ¡oyemongeta reta cheyuka vaerä!

ISAÍAS 13:20

Ngaraa ye ma kia oiko pɨpe vae, ngaraa kia ave oñemoëta pɨpe. Árabe reta ave ngaraa oyembojeyupa pɨpe, ani vecha iyangarekoa reta ave ngaraa ivecha omombutuu joko pe.

ISAÍAS 60:7

Opaete mɨmba Cedar pegua reta oyereruta ndeve; vecha kuimbae Nebaiot pegua reta ñogüɨnoita ndepo pe, remee vaerä ndeYa imbae mɨmba oyeyuka oyeapɨ jese vae re mbota mbɨakatu peguarä jare jae jeiete omopörata itupao ikavi yae vae.

JEREMÍAS 10:20

Chero guakapi pegua oyemboai oï, opaetei iïcha oso. Chemembɨ reta opa chereeya, ¡mbaetɨ ma oikove reta! Mbaetɨ ma kia omopüa ye vaerä chero guakapi pegua, asoya o imboyaoa omoata vaerä ave mbaetɨ.

JEREMÍAS 4:20

Oyoaɨkue yoaɨkue jërakua susere; echa tëtaguasu opaetei oyemboai oï. Aramoete opa oyemboai chero reta, jendagüe opɨta chero guakapi pegua.

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 49:24

Damasco, otekuaraita tëi, ërei jëogüe. Ou jese kɨɨye jare mbɨatɨtɨ, orɨrɨi metei kuña imembɨ oa oï vae rami.

JEREMÍAS 49:5

Mase, oipota rupi güi aruta nderé rekɨɨye yae vaerä. Che, Tumpa Imbaepuere yae ete vae jae. Metei ñavo pegüi reta oëta otekuarai jape jape ae rupi, jare mbaetɨta kia omboatɨ ye otekuaraigüe reta.

JEREMÍAS 6:25

¡Agüɨye peë tëta güi ikatu kotɨ, agüɨye vi peguata tape rupi! Echa ¡tovaicho reta jembiporu ñeraro pegua ndive ñogüɨnoi; kɨɨye oime opaete rupi!”

HABACUC 3:7

Che aecha Cusán pegua reta oiporara yae jare Madián pegua reta, orɨrɨi okɨɨye güi.

2 Corintios 4:8

Roiporara yae ko opaño mbaembae, ërei mbaetɨ orembopɨtu yae. Jeta yemoambeko, ërei mbaetɨ orembopɨa kërai;

2 Corintios 7:5

Echa Macedonia pe royu roväe güive, mbaetɨ etei roputuu, jaeño roiporara yae opaete mbae; ikatu güi, ñeraro reta; japɨpe pe, kɨɨye reta.

JUECES 6:5

Echa jo guakapi pegua jare jɨmba reve reve yogüeru opa omboai ɨvɨ pegua mbaembae. Yogüeru jeta icamello ndive tuku ou opa mbae omokañɨtei rami.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

JUECES 8:21

Jayave Zeba jare Zalmuna jei reta Gedeón pe: —¡Nde oreyuka! ¡Jökorai yaikuaa kuimbae jëia ko vae nde! Jayave Gedeón opüa jare opa oyuka, Zeba jare Zalmuna icamello reta ipoɨ opa oekɨ.

JUECES 8:26

Jare opaete moäka-vera oyemboatɨgüe oupitɨ seri diecinueve kilo oro, oyepapambae reve mbae ipöra vae jare mbae jepɨ vae, temimonderä pɨ̈ta vae mburuvicha guasu reta Madián iñemuña pegua reta omonde vae jare camello yayu regua reta ipoɨ.