JEREMÍAS 49:28 - Biblia Guarani Tumpa Iñee

²⁸ YandeYa jei körai Cedar iñemuña reta regua jare Hazor pegua mburuvicha reta regua, jae ko Nabucodonosor mburuvicha guasu Babilonia pegua omoamɨri vae reta: “¡Pepüa, peporepeña Cedar re! ¡Opa pemokañɨtei jókuae ñemuña reta kuaraɨ oëa kotɨgua!

JEREMÍAS 49:28 ပူးပေါင်းရင်းမြစ်များ

GÉNESIS 25:13

kuae jae ko Ismael taɨ reta jee taɨrɨpɨ güive; jae ko: Nebaiot, jaɨkue rupi Cedar, Adbeel, Mibsam,

GÉNESIS 25:6

Ërei kuña reta güɨrekoiño vae imembɨ reta pe, jaeño omee mbota, jare opa omondo mombɨrɨ kuaraɨ oëa kotɨgua ɨvɨ pe, taɨ Isaac güi, jae oikoveño ramboeve.

1 CRÓNICAS 1:29

Kuae jae iñemuña reta: Ismael taɨrɨpɨ jae Nebaiot; jaɨkuegua reta jae: Cedar, Adbeel, Mibsam,

JOB 1:3

Güɨnoi siete mil vecha, tres mil camello, quiniento yoayu güeye, jare quiniento mburika, jare jeta yeyé jembiokuai reta; jare jókuae kuimbae oikokatu yae ye opaete kuaraɨ oëa kotɨgua reta güi.

SALMOS 120:5

¡Cheparavete, che aiko mombɨrɨ Mesec pe vae, ani mombɨrɨ Cedar pe aiko o guakapi pegua pe rami!

CANTARES 1:5

Kuña reta Jerusalén pegua, cherúndai viña, ërei chepöra yae; cherúndai ko, Cedar pegua reta jo guakapi pegua jüu vae rami, chepöra, Salomón jo jöke regua asoya rami.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 21:13

Arabia maratuta vae regua: Ñuu pe pepɨta pɨ̈tu yave vae reta, Dedán pegua, oguatagüe reta,

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

JEREMÍAS 2:10

Peasa ɨ päu Quitim kotɨ jare pemae; pemondo kia Cedar pe, omae kavi vaerä jese, jae reta oyapo vi ra, kuae pegua reta rami.

JEREMÍAS 25:23

Dedán, Tema jare Buz jare opaete iñäka-ɨke oñapi vae reta;

JEREMÍAS 25:24

opaete mburuvicha guasu reta Arabia pegua; opaete mburuvicha guasu reta yogüɨreko ñuu rupi vae;

JEREMÍAS 49:14

YandeYa omombeu cheve, metei ñee jerajaa ojo opaete tëtaguasu reta pe jei vaerä: “¡Peyomboatɨ jare peporepeña Edom re! ¡Peyeapo katu ñeraro peguarä!

JEREMÍAS 49:33

Hazor ipombae jekuae avei pegua aguarayaɨmba oñemoëtata pɨpe, Mbaetɨ yeta kia ou oiko pɨpe, ani oasa jokoropi vae ave.”

EZEQUIEL 27:21

Arabia pegua reta jare opaete mburuvicha reta Cedar pegua ombaegua ndegüi, omboepɨ reta ndeve vecha kuimbae taɨrusu vae pe, vecha kuimbae pe jare kavara kuimbae pe; kuaekuae reta re remee ndembaembae.

JUECES 6:3

Echa Israel iñemuña reta jemitɨ oime ñavo, Madián iñemuña reta, amalecita reta jare kuaraɨ oëa kotɨgua reta yogüeru oporepeña jese reta.