JEREMÍAS 49:2 - Biblia Guarani Tumpa Iñee

² YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

JEREMÍAS 49:2 ပူးပေါင်းရင်းမြစ်များ

2 SAMUEL 11:1

Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

SALMOS 48:11

¡Toyerovia yae ɨvɨtɨ Sión! ¡Toyerovia tëta guasu reta Judá pegua reta, jupigüe reyapo vae re!

SALMOS 97:8

CheYa Tumpa, Sión jare tëta reta Judá pegua oyerovia yae mborookuai remee vae re;

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 17:1

Tëta guasu Damasco maratuta vae regua: Damasco mbaetɨta ma oiko tëta guasurä; jendagüeño yatɨta opɨta.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

EZEQUIEL 21:20

Eyapo metei tape jokoropi ou vaerä mburuvicha guasu ikɨsepuku ndive tëta guasu Rabá pe, Amón iñemuña reta jëta jare Jerusalén tëta guasu jëguambae Judá pegua pe.

EZEQUIEL 21:25

Jare nde mburuvicha guasu Israel pegua jeko kavimbae yae vae, oporoyuka vae, ou oväe ndeve ara, iyapɨ vaerä opaete ikavimbae reyapo vae.

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

ABDÍAS 1:19

Israel iñemuña reta Neguev pe yogüɨreko vae opɨ̈rota ɨvɨ Esaú jare Sefela pegua reta opɨ̈rota filisteo reta iɨvɨ; opɨ̈ro retata vi ɨvɨ Efraín jare ɨvɨ Samaria; Benjamín iñemuña reta opɨ̈rota ɨvɨ Galaad.

NÚMEROS 10:9

Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

NÚMEROS 21:25

Jökorai Israel iñemuña reta opɨ̈ro opaete tëta guasu reta, jare yogüɨreko opaete amorreo reta iɨvɨ pe, Hesbón pe jare tëta raɨ raɨ reta iyɨ́vɨri ñogüɨnoi vae pe.

DEUTERONOMIO 13:16

Jare pemboatɨ opaete mbaembae reta oka guasu pe jare peyatapɨ jese, opaetei tókai tëta guasu imbaembae ndive, mɨmba oyeapɨ jese vae re mɨmba oyeyukagüe opaetei oyeapɨ rami. Jókuae tëta guasu topɨta tëtagüerä, jare ngaraa ye ma oñemopüa.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

JOSUÉ 17:11

Manasés iñemuña reta güɨnoi vi tëta guasu reta; tëta guasu ñavo güɨnoi tëta raɨ raɨ, Isacar jare Aser iñemuña reta iɨvɨ pe jae ko: Bet-seán, Ibleam, Dor, Endor, Taanac jare Meguido, mboapɨ yemboyao ɨvɨ.

JOSUÉ 17:16

Jare José iñemuña reta jei: —Ngaraa kuae ɨvɨ oreave; jare opaete cananeo reta ɨvɨpe kavi rupi yogüɨreko vae reta güɨnoi käretou jiero pegua, Bet-seán jare tëta raɨ reta rupi yogüɨreko vae jare ɨvɨtɨ päu Jezreel rupi yogüɨreko vae.