JEREMÍAS 49:17 - Biblia Guarani Tumpa Iñee

¹⁷ “Edom opaeteita oyemboai. Opaete oasa jokoropi vae ipɨakañɨta jare oyóyai yoyaita oecha yave kuae susere reta,

JEREMÍAS 49:17 ပူးပေါင်းရင်းမြစ်များ

1 REYES 9:8

Jare kuae tupao ikavi yae vae, oyemboaita opɨta, oipotagüe oasa iyɨ́vɨri rupi vae ipɨakañɨta omae jese, jare oyoyaita, jare jeita: ‘¿Maera ra Tumpa körai oyapo kuae ɨvɨ jare kuae tupao?’

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 49:13

Che peYa, cheyé aeño arökuavee. Tëta guasu Bosra opɨtata ipombae, ñeerä jare yepopeyurä; jare opaete ïru jëta guasu reta oyemboaita opɨta jekuae avei pegua.”

JEREMÍAS 50:13

Echa chearasɨta jare aeyata ipombae, opaeteita oyemboai opɨta. Opaete oasa jokoropi vae ipɨakañɨta jare oyóyai yoyaita oecha yave kuae susere reta.

JEREMÍAS 51:37

Babilonia opɨtata tëtagüerä, aguarayaɨmba reta jëtarä, jare ipombae opɨtata, opaete vae opukata jese jare okɨɨyeta.

EZEQUIEL 25:13

Jáeramo, che ndeYa Tumpa jae körai: Aiporaraukata vi Edom pe, amokañɨteita opaete vae reta jare mɨmba reta. Aeyata ipombae. Temán güive Dedán kotɨ, opata amokañɨtei reta ñeraro pe.

EZEQUIEL 27:36

Omaemee vae ïru ɨvɨ pegua reta, okɨɨyeta ndereecha yave. Repɨtata kɨɨyearä, jare ngaraa ye ma reiko jekuae avei pegua.’ ”

EZEQUIEL 35:15

Nde reyerovia yae Israel iñemuña reta iɨvɨ opa oyemboai yave, jökorai eteita reasa; repɨtata ipombae ɨvɨtɨ Seir, opaete ɨvɨ Edom. Jayave reikuaata che ko jae Tumpa vae.’ ”

EZEQUIEL 35:3

Ere chupe: ‘YandeYa Tumpa jei körai: Ɨvɨtɨ Seir, che ayovaicho ndekotɨ. Aiporaraukata ndeve, opata romboai, roeyata ipombae,

EZEQUIEL 35:7

Ɨvɨtɨ Seir opata amboai, aeyata ipombae, jare mbaetɨ yeta ma kia oasa jokoropi.

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

DEUTERONOMIO 29:22

Jare peñemuña reta peraɨkue rupi oimeta vae, jare ketɨgua mombɨrɨ güi ou vae, oecha mbae ikavimbae jare mbaerasɨ reta yandeYa ombou kuae ɨvɨ pe vae yave;