JEREMÍAS 48:8 - Biblia Guarani Tumpa Iñee

⁸ Kañɨtei outa tëta guasu ñavo re, metei ave ngaraa oasayepe; ɨvɨtɨ päu ipe kavi vae jare ɨvɨpe kavi oyemboaita vi. Che ndeYa ko jae kuae.

JEREMÍAS 48:8 ပူးပေါင်းရင်းမြစ်များ

JEREMÍAS 15:8

Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 48:18

Tëta guasu Dibón, egüeyɨ nderenda yemboetea pegua güi, eguapɨ ɨvɨ re, echa Moab imboaia oporepeña ndekotɨ, omboai vaerä ndegüi nekësea.

JEREMÍAS 51:56

Yogüeru omboai vaerä Babilonia; oipɨɨ ma isundaro jëia vae reta, jare opa ma omopë mopë chugüi igüɨrapa reta. Echa yandeYa Tumpa ko omee metei ñavo pe jeko oï rupi.

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

EZEQUIEL 25:9

Jáeramo amombuta jare aipeata tape Amón pegua reta iɨvɨ jembeɨ kotɨ, tëta guasu reta jembeɨ pegua rupi; opaeteita amboai tëta guasu jërakua yae vae reta Bet-jesimot, Baal-meón jare Quiriataim.

JOSUÉ 13:17

Hesbón, jare opaete iyɨvɨrigua tëta ɨvɨpe kavi rupi ñogüɨnoi vae ndive, jae ko: Dibón, Bamot-baal, Bet-baal-meón,

JOSUÉ 13:21

opaete tëta guasu reta ɨvɨpe kavi rupigua jare opaete Sehón, amorreo reta juvicha guasu imbae, Hesbón pe mburuvicha guasurä oiko vae. Echa Moisés opa omoamɨri Sehón jare mburuvicha reta, jare jeia re yogüɨreko vae reta Madián pegua: Evi, Requem, Zur, Hur jare Reba.

JOSUÉ 13:9

Aroer, ɨ̈aka Arnón jembeɨ pe oï vae güive, jare tëta guasu ɨvɨtɨ päu pe oï vae, jare opaete ɨvɨpe kavi Medeba güive Dibón kotɨ,