JEREMÍAS 48:7 - Biblia Guarani Tumpa Iñee

⁷ Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

JEREMÍAS 48:7 ပူးပေါင်းရင်းမြစ်များ

2 SAMUEL 5:21

Jare filisteo reta opa oeya joko pe itumpa-raanga reta, David jare isundaro reta opa oapɨ.

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:7

Echa jókuae ara rupi Salomón omopüa Jerusalén güi kuaraɨ oëa kotɨgua ɨvɨtɨ re metei tupao Quemos peguarä, tumpa-raanga ikavimbae yae vae Moab pegua, jare Moloc peguarä, Amón-ɨgua reta itumpa-raanga ikavimbae yae vae.

SALMOS 40:4

¡Toyerovia kuimbae oyeko yandeYa re vae, mbaetɨ omae ipɨayemboete vae reta re vae, ani tumpa-raanga omboete vae reta re vae!

SALMOS 52:7

“Mase, ko kuimbae mbaetɨ Tumpa re oyeko vae, mbaeyekou jeta güɨnoi reño güɨrovia katu, jare oiko jeko kavimbae peño.”

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

JEREMÍAS 43:12

Oapɨta Egipto pegua tumpa-raanga reta itupao reta, tumpa-raanga reta oapɨta ani opata güɨraja tembipɨɨ rami; opaeteita oitɨvɨro oeya tëtaguasu Egipto, metei vecha iyangarekoa jemimonde güi ñemokɨra oitɨo rami, javoi oë yeta ojo mbaetɨ etei reve kia oyopia.

JEREMÍAS 48:13

Jayave Moab imarata itumpa-raanga Quemos jeko pegua, Israel iñemuña reta imara Bet-el re oyerovia tëi yave vae rami.

JEREMÍAS 48:46

¡Ndeparavete, nde Moab! ¡Quemos jëta, opa rekañɨtei! ¡Nderaɨ reta jare nderayɨ reta opa oyereraja tembipɨɨrä!

JEREMÍAS 49:3

¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

JEREMÍAS 49:4

¿Maera pa reyembotuicha ndeɨvɨpe kavi re? Ndeɨvɨpe kavi opa ma oyemboai, tëta iñeereendumbae, rerovia katu mbaembae remboatɨgüe re, rere: ‘¿Kia pa oporepeñata cheré?’

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

OSEAS 10:13

Ërei pe reta peñotɨ ikavimbae, jare pearɨvo jupimbae, peapu jeko pegua peiporara. Peyerovia pekäretou reta ñeraro pegua re, jare jeta sundaro re ramo,

NÚMEROS 21:29

¡Ndeparavete tëta Moab! ¡Rekañɨtei nde, tumpa-raanga Quemos jëta! Jae omaeño kuimbae reta kuae pegua opa otekuarai, jare kuña reta opa mburuvicha guasu Sehón ipo pe oa tembipɨɨrä.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.