JEREMÍAS 48:46 - Biblia Guarani Tumpa Iñee

⁴⁶ ¡Ndeparavete, nde Moab! ¡Quemos jëta, opa rekañɨtei! ¡Nderaɨ reta jare nderayɨ reta opa oyereraja tembipɨɨrä!

JEREMÍAS 48:46 ပူးပေါင်းရင်းမြစ်များ

1 REYES 11:7

Echa jókuae ara rupi Salomón omopüa Jerusalén güi kuaraɨ oëa kotɨgua ɨvɨtɨ re metei tupao Quemos peguarä, tumpa-raanga ikavimbae yae vae Moab pegua, jare Moloc peguarä, Amón-ɨgua reta itumpa-raanga ikavimbae yae vae.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

ISAÍAS 16:2

Moab pegua reta oasa ɨ̈aka Arnón tɨpɨmbaea rupi yave, güɨra okɨɨyegüe oë otekuarai jaitɨ güi rami ko.

JEREMÍAS 48:13

Jayave Moab imarata itumpa-raanga Quemos jeko pegua, Israel iñemuña reta imara Bet-el re oyerovia tëi yave vae rami.

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

NÚMEROS 21:29

¡Ndeparavete tëta Moab! ¡Rekañɨtei nde, tumpa-raanga Quemos jëta! Jae omaeño kuimbae reta kuae pegua opa otekuarai, jare kuña reta opa mburuvicha guasu Sehón ipo pe oa tembipɨɨrä.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.