JEREMÍAS 48:45 - Biblia Guarani Tumpa Iñee

⁴⁵ Amogüe reta otekuarai tëi ipuerembae reve, oeka oñepɨ̈ro vaerä tëta guasu Hesbón pe; ërei Hesbón, mburuvicha guasu Sehón jëta jendɨ oï, jare tata oñemoai oapɨ ɨvɨtɨ Moab pegua, jovaicho pota yae vae reta.

JEREMÍAS 48:45 ပူးပေါင်းရင်းမြစ်များ

SALMOS 135:11

Sehón, amorreo reta juvicha guasu, Og, mburuvicha guasu Basán pegua, jare opaete mburuvicha guasu Canaán pegua.

SALMOS 78:63

Itaɨrusu reta opa omano tata pe, jare ikuñatai reta pe mbaetɨ ma tairari menda pegua.

JEREMÍAS 2:16

Tëta Menfis jare Tafnes pegua reta ave opa neapiasɨ.

JEREMÍAS 48:2

Moab jërakua yae vae jaema opa. Hesbón pe tovaicho reta oyapo yemongeta, tëtaguasu Moab omboai vaerä. Jökoraiño vi nde Madmena, reyemboaita, ñeraro ngaraa osɨrɨ ndegüi.

AMÓS 2:2

Jáeramo ɨvɨ Moab re amoendɨta tata, jare jókuae tata opata oapɨ mburuvicha guasu jo kavi reta tëta Queriot pe; jare ɨvɨ Moab pegua reta omanota jäsémbai reve, mimbɨguasu ñeraro pegua oñee vae iyavei.

ZACARÍAS 10:4

Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

NÚMEROS 21:21

Jayave Israel iñemuña reta omondo jekovia pe kuimbae reta imiari vaerä Sehón amorreo reta juvicha guasu ndive, jei reve:

NÚMEROS 21:26

Echa Hesbón ko jae mburuvicha guasu Sehón jëta, amorreo reta juvicha guasu, jae yepe tenonde yave oñoraro mburuvicha Moab pegua ndive, jare opa opɨ̈ro chugüi iɨvɨ, ojoi oväe ɨ̈aka Arnón pe.

NÚMEROS 21:28

Echa Hesbón mburuvicha guasu Sehón jëta güi oë tata, jare opa oapɨ Ar Moab pegua, jare tumpa-raanga reta Arnón pegua,

NÚMEROS 21:29

¡Ndeparavete tëta Moab! ¡Rekañɨtei nde, tumpa-raanga Quemos jëta! Jae omaeño kuimbae reta kuae pegua opa otekuarai, jare kuña reta opa mburuvicha guasu Sehón ipo pe oa tembipɨɨrä.

NÚMEROS 24:17

Aechata, ërei mbaetɨ añave; amaeta jese, ërei mbaetɨ köi güi: Jacob iñemuña güi oëta metei Yasɨtata, Israel iñemuña reta güi opüata metei Mburuvicha guasu, jae ombopereta Moab iñäka, jare opata omboai Set iñemuña reta.

San Mateo 21:42

Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”