JEREMÍAS 48:44 - Biblia Guarani Tumpa Iñee

⁴⁴ Okɨɨye güi otekuarai vae, oata ɨvɨkua pe, jare ɨvɨkua güi oë tëigüe, oata ñuai pe, echa che aruta Moab re tembiporara. Che ndeYa ko jae kuae.

JEREMÍAS 48:44 ပူးပေါင်းရင်းမြစ်များ

1 REYES 19:17

Jökorai Hazael güi ojoyepegüe Jehú oyukata, jare Jehú güi ojoyepegüe Eliseo oyukata.

1 REYES 20:30

Ïru sundaro reta otekuarai tëta Afec kotɨ, ërei tëta guasu ikësea osururu jókuae veintisiete mil sundaro otekuarai tëi vae re. Ben-adad otekuarai vi jare ojo jókuae tëta guasu pe oñemi o ñavo rupi.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 24:17

Ɨvɨ pegua reta, jevae ñana rupigua oñemoña vae ramita, oimeta ñuai ani ɨvɨkua japerä pe.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 11:23

Mbaetɨ eteita opɨta chugüi reta metei ave, echa oväe ara aru vaerä Anatot pegua reta re mbaesusere, oiporara yae reta vaerä.”

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 23:12

Jáeramo jape reta pɨtumimbi jare iïchɨi yae ramita; omoañaukata jare ogüɨapi retata, echa che aruta jese reta ikavimbae, oväe yave ara oiporara reta vaerä. Che ndeYa ko jae kuae.

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 49:8

¡Dedán pegua reta, petekuarai, pekua peñemi kavi! Echa amboaita Esaú iñemuña reta jëta; oväe ma ara aiporarauka vaerä chupe.

JEREMÍAS 50:24

Babilonia, añono ñuai ndeveguarä, jare reikuaambae reve rea pɨpe. Reyepɨɨuka ñuai pe, echa chemboarasɨuka.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JEREMÍAS 51:18

Jaangaño ko, mbaeä etei ko, yandeYa iporojäa iara pe, opaeteita omboai.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 3:47

roiko kɨɨye, yemomburu, susere jare yemboai rupi. ¡Kuaekuae reta rupi roiko!

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 5:19

Yaguapope güi otekuarai vae ojo oñoövaiti oso ndive ramita ko; ani o pe oike vae opoko ovapetea re yave mboi oichuu vae ramita ko.

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.