JEREMÍAS 48:41 - Biblia Guarani Tumpa Iñee

⁴¹ Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

JEREMÍAS 48:41 ပူးပေါင်းရင်းမြစ်များ

ISAÍAS 13:8

okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 21:3

Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

JEREMÍAS 30:6

Peparandu, ¿ipuere yera metei kuimbae imembɨ? Ërei maera pa aecha kuimbae reta oyeetepoka, kuña imembɨ oa oï vae pe jasɨ vae rami, jare opaete jovaiyu ñogüɨnoi.

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 4:9

YandeYa jei: “Jókuae ara oväe yave, mburuvicha guasu reta jare mburuvicha reta ipɨakɨɨyeta, sacerdote reta kïrii ngatuta ipɨakañɨ güi, jare ñeemombeúa reta ipɨakañɨta.”

JEREMÍAS 48:24

Queriot, Bosra jare opaete tëta guasu reta Moab pegua, köiño oï vae reta re jare mombɨrɨ oï vae reta re.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 49:24

Damasco, otekuaraita tëi, ërei jëogüe. Ou jese kɨɨye jare mbɨatɨtɨ, orɨrɨi metei kuña imembɨ oa oï vae rami.

JEREMÍAS 50:37

¡Ou ñeraro ikavayu regua reta pe jare ikäretou pegua reta pe! ¡Ou ñeraro opaete sundaro reta omboepɨ imborɨarä vae reta pe, ërei kuñaecha opɨta retata! ¡Ou ñeraro imbaembae reta jepɨ vae pe, topɨ̈ro chugüi reta!

JEREMÍAS 50:43

Mburuvicha guasu Babilonia pegua oikuaa yave kuae re, mbaetɨ oikuaa mbae oyapo vaerä okɨɨye güi, ipɨatɨtɨ yae jare jasɨ chupe, kuña imembɨ oa oï yave vae rami.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 6:24

Jerusalén pegua reta jei: “Roikuaa yave jërakua yae vae reta regua, opa orerëogüe; orepɨatɨtɨ yae jare jasɨ oreve, kuña imembɨrasɨ oï yave vae rami.

AMÓS 2:2

Jáeramo ɨvɨ Moab re amoendɨta tata, jare jókuae tata opata oapɨ mburuvicha guasu jo kavi reta tëta Queriot pe; jare ɨvɨ Moab pegua reta omanota jäsémbai reve, mimbɨguasu ñeraro pegua oñee vae iyavei.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.