JEREMÍAS 48:39 - Biblia Guarani Tumpa Iñee

³⁹ ¡Pepɨatɨtɨ yae Moab re! ¡Kërai opa oyemboai oï! ¡Ikupeño omee jare imara yae! Moab iyemboai opɨta kɨɨyearä jare omae kaviä vaerä jese, opaete iyɨ́vɨri rupigua reta peguarä.

JEREMÍAS 48:39 ပူးပေါင်းရင်းမြစ်များ

JEREMÍAS 48:13

Jayave Moab imarata itumpa-raanga Quemos jeko pegua, Israel iñemuña reta imara Bet-el re oyerovia tëi yave vae rami.

JEREMÍAS 48:17

Moab iyɨvɨrigua tëta reta, jare opaete jërakua yae vae re oikuaa vae reta, peyaeo jese jare, pere: ‘¡Mase, kërai opɨta imbaepuere tuicha yae vae jare iyemboetea yae vae!’

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 2:1

¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

LAMENTACIONES 4:1

¡Kërai ikɨa oro! ¡Kërai oro oyeambae mbaetɨ ma jembipe! O mbaemboetea pegua ita reta opaetei oñemoai ñogüɨnoi kaye rupi.