JEREMÍAS 48:32 - Biblia Guarani Tumpa Iñee

³² Uvarupa Sibma pegua, roäpirota vi, oasa ete yeta Jazer oñeäpiro vae güi. Nderembo reta oasa ye yepi ɨguasu, ojoi oväe Jazer pe. Ërei añave uva reipoose vae oyemboai opɨta.

JEREMÍAS 48:32 ပူးပေါင်းရင်းမြစ်များ

JEREMÍAS 40:10

Che, apɨtata Mizpa pe, añemoë vaerä peré Caldeaɨgua reta jóvai, yogüeru yave kuae pe. Peparavɨkɨ, pemboɨru vino, temitɨ ia oñemotinigüe jare olivo iasaite, jökorai peiko tëta guasu reta peikota pɨpe vae pe.”

JEREMÍAS 48:15

Oväe ma Moab imboaia jare jëta guasu reta imboaia; itaɨrusu reta ikavigüe opata omano. Jökorai jei Mburuvicha guasu, jae ko jee yandeYa Imbaepuere yae ete vae.

JEREMÍAS 48:18

Tëta guasu Dibón, egüeyɨ nderenda yemboetea pegua güi, eguapɨ ɨvɨ re, echa Moab imboaia oporepeña ndekotɨ, omboai vaerä ndegüi nekësea.

JEREMÍAS 48:8

Kañɨtei outa tëta guasu ñavo re, metei ave ngaraa oasayepe; ɨvɨtɨ päu ipe kavi vae jare ɨvɨpe kavi oyemboaita vi. Che ndeYa ko jae kuae.

NÚMEROS 21:32

Jare Moisés omondo vi omae vaerä tëta Jazer re; opa opɨ̈ro reta jare opa omoë omombo amorreo reta joko pe yogüɨreko vae.

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:3

—Ɨvɨ Atarot, Dibón, Jazer, Nimra, Hesbón, Eleale, Sebam, Nebo jare Beón,

NÚMEROS 32:35

Atarot-sofán, Jazer, Jogbeha,

NÚMEROS 32:38

Nebo, Baal-meón (jee reta oyepoepɨgüe) jare Sibma, oipoepɨ reve amogüe tëta guasu jee, jae reta omopüa pɨau ye vae.

JOSUÉ 13:19

Quiriataim, Sibma, Zaret-sahar, ɨvɨtɨ päu ipe kavi vae iɨvɨtɨ re,

JOSUÉ 13:25

Gad iñemuña reta iɨvɨ jae ko Jazer, jare opaete tëta guasu reta Galaad pegua, Amón iñemuña reta iɨvɨ mbɨte güive tëta Aroer kotɨ, Rabá jóvai oï vae pe,

JOSUÉ 21:39

Hesbón jare Jazer; irundɨ tëta guasu, mɨmba ikaruarä ndive ndive.