JEREMÍAS 48:27 - Biblia Guarani Tumpa Iñee

²⁷ Moab, ¿reyóyai yoyaiä pa ko Israel yepi, jare nemiari jese reröɨro reve, metei imonda vae re rami?

JEREMÍAS 48:27 ပူးပေါင်းရင်းမြစ်များ

JOB 16:4

Che chepuere vi ko cheñee amoë pe reta rami, pe reta che rami peï yave, che chepuere vi jeta mbae jae pekotɨ, jare añeäkambovava amae peré.

SALMOS 44:13

Oremomaraiuka orerëta-ɨpɨ pegua reta pe, oreyóyai yoyaiuka oreɨvɨrigua reta pe.

SALMOS 64:8

iñee aeño oyeapata ikotɨ reta, opaete oecha vae oyóyai retata.

SALMOS 79:4

Orerëta-ɨpɨ pegua reta oreyóyai yóyai vaeräño roiko, oreyóyai yóyai oreɨvɨrigua reta.

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 2:26

Imonda vae oyepokou yave imara rami, Israel iñemuña reta imarata opɨta: Opaete vae reta, juvicha guasu reta, juvicha reta, isacerdote reta jare ñeemombeúa reta;

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

EZEQUIEL 25:8

Che peYa Tumpa jae körai: “Moab jare Seir pegua reta jei Judá pegua reta oyovakeño ïru tëtaguasu reta ndive.

EZEQUIEL 35:15

Nde reyerovia yae Israel iñemuña reta iɨvɨ opa oyemboai yave, jökorai eteita reasa; repɨtata ipombae ɨvɨtɨ Seir, opaete ɨvɨ Edom. Jayave reikuaata che ko jae Tumpa vae.’ ”

EZEQUIEL 36:2

YandeYa Tumpa jei körai: Tovaicho reta jei pekotɨ: ‘Kuae ɨvɨtɨ reta ɨvate vae jaema opɨta vi yandembaerä.’

EZEQUIEL 36:4

jáeramo, ɨvɨtɨ reta Israel pegua peyeapɨsaka, yandeYa Tumpa jei ɨvɨtɨ guasu jare ɨvɨtɨ raɨ reta pe, ɨ̈aka raɨ reta pe, ɨvɨtɨ päu ipe kavi vae reta pe; tëtagüe reta pe jare Israel pegua tëta guasu reta oyeeyagüe pe, tovaicho reta opa mbae opɨ̈ro chugüi vae; jare iyɨvɨrigua tëtaguasu reta oyóyai yóyai vae;

SOFONÍAS 2:10

Köraita ko jekovia Moab pe jare Amón pe, ipɨapochɨ jeko pegua, yandeYa imbae vae reta kotɨ iñeeasɨ katu reta jeko pegua, oyembotuicha reta yandeYa Imbaepuere yae ete vae imbae vae reta iɨvɨ pe jeko pegua.

SOFONÍAS 2:8

YandeYa Imbaepuere yae ete vae jei körai: “Che aendu Moab iñemuña reta iporoangao jare Amón iñemuña reta iñeeasɨ tëta chembae vae kotɨ. Echa jei reta mbae jasɨ katu vae tëta chembae vae kotɨ, jare jae reta iɨvɨ pe oyembotuicha reta. Jáeramo, tae cheree re aeño: Moab iñemuña reta oasata Sodoma oasa rami, Amón iñemuña reta oasata Gomorra oasa rami, ñurati oñemuñata joko pe, yukɨ rendarä opɨtata. Kïrii ngatu aveita opɨta. Tëta chembae vae güi jembɨregüe opata güɨnoe omombo joko güi, jare oike retata yogüɨreko jókuae ɨvɨ pe.”

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Mateo 27:38

Jare sundaro reta oikutu vi kurusu re mókoi imonda vae Jesús ndive; metei iyakatu kotɨ jare ïru iyasu kotɨ.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.