JEREMÍAS 48:11 - Biblia Guarani Tumpa Iñee

¹¹ Tëta Moab oyeapo ramo güive oiko pɨagüive, mbaetɨi oyereraja tembipɨɨrä ïkotɨa. Jae ko, vino oguapɨ kavi jɨru pe vae mbaetɨi oyekuavo jɨru güi ïru jɨru pe vae rami, jáeramo mbaetɨ okañɨ chugüi jëe ngatu vae.

JEREMÍAS 48:11 ပူးပေါင်းရင်းမြစ်များ

SALMOS 123:4

¡Orembogüérai ma oikokatu vae reta imbaeyuvanga, jare ipɨayemboete vae reta iporogüɨröɨro!

SALMOS 55:19

Tumpa oiko avei vae oenduta, jare omomichita; echa jae reta mbaetɨ oyepoepɨ jare mbaetɨ oipoɨu Tumpa güi.

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

ISAÍAS 24:3

Ɨvɨ opaeteita oyemboai opɨta, opaeteita oñerenoe mbae chugüi. Echa jökorai ko omoërakua yandeYa.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 48:12

Ërei yandeYa jei: “Oväeta ara ambou vaerä jókuae vino oikuavo reta vaerä ïru jɨru pe; jare jókuae jɨru mɨmbapire pegua oyekuavo chugüi vae opa vaerä ombojaɨ jaɨ.

JEREMÍAS 48:29

Yaikuaa katu Moab iyembotuicha; ipɨarai, ipɨayemboete jare ipɨapochɨ.

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

NAHUM 2:10

Oyemboai jare ipombae opɨta, jökorai opɨta Nínive. Ipɨakɨɨye yae reta, orɨrɨi itava reta, opaete vae pe oata mɨ̈rata jare jova ambuae yae opɨta reta.

NAHUM 2:2

Echa yandeYa omopüa pɨau yeta opaete Jacob iyemboetea, jae ko Israel, echa opa oyeekɨuka oyemombo, jare opa uva jäka güɨrokomegua oeya rami.

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

ZACARÍAS 1:15

Jare chearasɨ yae aï tëtaguasu reta kïrii ngatu ñogüɨnoi vae kotɨ; echa michiño chearasɨ yave jae reta ombojeiete ikavimbae vae.