JEREMÍAS 48:10 - Biblia Guarani Tumpa Iñee

¹⁰ (¡Tijeko jókuae ipɨakatumbae reve oyapo yandeYa iparavɨkɨ vae! ¡Tijeko jókuae ñäteɨ oparapiti vae!)

JEREMÍAS 48:10 ပူးပေါင်းရင်းမြစ်များ

1 REYES 20:39

Jare mburuvicha guasu oasa jókuae tape rupi yave, ñeemombeúa iñeeäta reve jei chupe: —Mburuvicha guasu, che nderembiokuai aja ñeraroa pe, jare jókuae ñeraro pɨte güi oë metei sundaro güeru cheve metei tembipɨɨ, omee chepo pe ayangareko vaerä jese. Ërei omombeu voi cheve, otekuarai ko chegüi yave amboepɨta cherekove pe, ani tres mil reare korepoti pegua pe.

1 REYES 20:40

Jare che nderembiokuai ayapo ramboeve ïru mbaembae, jókuae tembipɨɨ otekuarai chegüi. Jayave mburuvicha guasu Israel pegua jei: —Nde aeño remombeu teko renoi vae, jare kërai remboepɨta vae.

1 REYES 20:42

Jayave ñeemombeúa jei chupe: —Körai jei yandeYa: “Echa nde remaeño ojo ye kuimbae omano vaerä tëi ko vae jeko pegua nderekove pe remboepɨta, jare ndembae vae reta omboepɨta jekove pe, jókuae mburuvicha imbae vae reta jekove.”

2 REYES 13:19

Jayave Tumpa iñeemombeúa iyarasɨ ikotɨ, jare jei chupe: —Uvɨ reiporu yave mona pandepo ani ova ye, remoamɨrita tëi Siria opaetei remokañɨtei regua; añave mboapɨ veseño remoamɨrita.

JEREMÍAS 11:3

ere chupe reta: YandeYa, Israel iTumpa jei: ‘Tijeko topɨta jókuae morogüɨrökuavee päve pegua ñee reta mbaetɨ omboete vae.

JEREMÍAS 47:6

¡Atataɨ, cheYa ikɨsepuku! ¿Kërai yave pa reputuuta? ¡Ekua ye nderɨru pe, nekïrii, nekïrii epɨta!

JEREMÍAS 47:7

Ërei, ¿kërai pa ndepuereta nekïrii yandeYa ko ndeokuai yave? Ndeokuai ko repüa vaerä Ascalón re jare opaete ɨguasu jembeɨ rupigua reta re.

JEREMÍAS 50:25

YandeYa oipea jembiporu ñeraro pegua jɨru, jare güɨnoe jembiporu iyarasɨ pegua, echa yandeYa Imbaepuere yae ete vae oimeta maratu oyapo Caldeaɨgua reta jëtaguasu.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JOSUÉ 10:19

Jare pe reta agüɨye pepɨta joko pe, peaɨkuemoña perovaicho reta, peyuka taɨkue yogüɨraja vae reta. Agüɨye pemaeño toike reta jëta guasu reta pe, echa yandeYa Tumpa omee pepo pe.”

JUECES 5:23

Jare yandeYa iaraɨgua omoërakua: ‘¡Yepopeyu toï tëta Meroz re jare pɨpe yogüɨreko vae reta re!’ Echa mbaetɨ yogüeru omborɨ yandeYa, imbaepuere yae vae reta kotɨ.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”

1 SAMUEL 15:9

Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.