JEREMÍAS 46:7 - Biblia Guarani Tumpa Iñee

⁷ ¿Kia pa jókuae okuakuaa ɨ ɨ̈aka Nilo pe rami vae, ɨ täta yae oguata rami vae?

JEREMÍAS 46:7 ပူးပေါင်းရင်းမြစ်များ

CANTARES 3:6

¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

CANTARES 8:5

¿Kia pa kuae ñuu kotɨ güi ou vae, iñäka omboyeko ou, oaɨu vae iyatiɨ re vae? Ɨvɨra manzana igüɨ pe romomba; joko pe ndesɨ imembɨrasɨ, joko pe ndesɨ oyekuaku, jare rea.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

JEREMÍAS 47:2

YandeYa jei körai: “Ɨvɨtuguasu kotɨ güi ou maemegua, ɨporu ou rami; opaeteita oyasoi ɨvɨ jare opaete pɨpegua reta, tëta guasu reta jare pɨpegua reta. Opaete tëtaguasu pegua reta jäse, jasɨ katu reve oyaeo reta.

EZEQUIEL 32:2

“Nde kuimbae, etairari kuae tairari mano pegua pe Faraón mburuvicha guasu Egipto pegua re körai: ‘Nde reï yaguapope rami tëtaguasu reta pe; mbaeporou päicha guasu ɨguasu rupigua rami, remondɨpa neɨ̈aka, repɨ̈ro ɨ jembeɨ rupi, rembojuúmbai ndepɨ pe.’

DANIEL 11:10

Ërei mburuvicha guasu ɨvɨtuguasu kotɨgua taɨ reta iyarasɨ yaeta jare omboatɨ retata jetagüe sundaro reta. Metei vae chugüi reta oporepeñata isundaro reta ndive mburuvicha guasu arayevɨ kotɨgua re, opaeteita omboai, ɨporu oporomboai rami; jaɨkue rupi jekuae oporepeña reta yeta oväe reta regua mburuvicha guasu arayevɨ kotɨgua iñepɨ̈roka pe.

DANIEL 11:22

Opaeteita oyuka ikotɨ oyovaicho vae reta, ɨporu jeta oporoyuka rami; opaeteita omokañɨtei mburuvicha morogüɨrökuavee päve iyapoa ave.

DANIEL 9:26

Sesenta y dos semana jaɨkue rupi oyuka retata Mesías. Jerusalén jare tupao opata oyemboai, metei mburuvicha guasu outa vae isundaro reta imbaepuere rupi. Jare iyapɨta, metei ɨporu guasu ou rami. Iyapɨ regua oimeta ñeraro jare kañɨtei.

AMÓS 8:8

Jáeramo, ¿mbaetɨta pa ɨvɨ okana? ¿Ɨvɨ ipo reta mbaetɨta pa oyaeo jókuae jeko pegua? ¡Tuichata ɨ ɨ̈aka pe rami, jare jagüeta ɨ̈aka Egipto pegua rami!

Apocalipsis 12:15

Jare jókuae mboi omombo jeta ɨ iyuru güi, kuña jaɨkue, güɨrajauka vaerä jókuae ɨ pe;