JEREMÍAS 46:6 - Biblia Guarani Tumpa Iñee

⁶ ¡Mbaetɨ ipuere otekuarai iñäkua yae vae reta, ani oasayepe jëia yae vae reta ave! Ɨvɨtuguasu kotɨ, ɨ̈aka Éufrates jembeɨ pe ipɨ̈sa-yeyuka jare oyepɨaka reta.

JEREMÍAS 46:6 ပူးပေါင်းရင်းမြစ်များ

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 REYES 24:7

Jókuae güire mbaetɨ ye ma mburuvicha guasu Egipto pegua oë iɨvɨ güi, echa mburuvicha guasu Babilonia pegua opa opɨ̈ro chugüi opaete güɨnoigüe, ɨ̈aka raɨ Egipto pegua güive ojoi oväe ɨ̈aka Éufrates kotɨ.

SALMOS 27:2

Jeko kavimbae vae reta, chembopɨatɨtɨ vae reta jare cherovaicho reta oyomboatɨ chemokañɨtei vaerä yave, mbaetɨ ipuere reta jare opa ogüɨapi.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ISAÍAS 8:15

Jeta ipɨ̈sa-yeyukata oyepɨaka reta jese, jare omano retata; jeta oata ñuai pe vae, jare oyepɨɨta opɨta reta.”

JEREMÍAS 1:14

Jayave yandeYa jei cheve: “Ɨvɨtuguasu kotɨ güi oyepɨyereta kañɨtei, opaete kuae ɨvɨ pegua reta re.

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 46:12

Tëtaguasu reta oikuaa ma reñemoamɨriuka vae, jare opaete ɨvɨ rupi oyeendu neräse; echa jëia yae vae reta oa oyoe, jare oyoitɨ reta ɨvɨ rupi.”

JEREMÍAS 46:16

Ndesundaro reta ipɨ̈sa-yeyuka jare oyepɨaka reta, jare jei reta oyoupe: ‘¡Yaja kuae güi, yaja ye yandeɨvɨ pe, jókuae ɨvɨ yaa pɨpea pe! ¡Yatekuarai ñeraro yavaetegüe güi!’

JEREMÍAS 50:32

Tëtaguasu ipɨayemboete vae, nepɨ̈sa-yeyukata jare regüɨapita, jare mbaetɨta kia nemopüa vaerä. Ayatapɨta opaete nerëta guasu reta re, jare jókuae tata omboaita opaete ndeɨvɨrigua.”

JEREMÍAS 6:1

¡Benjamín iñemuña reta Jerusalén pegua, petekuarai! Pemoñee mimbɨ guasu Tecoa pe, pemoätati ikañɨmaa vaerä Bet-haquerem pe, echa susere yavaetegüe oyekuaa ou ɨvɨtuguasu kotɨ güi.

DANIEL 11:19

Joko güi jókuae mburuvicha guasu oyerova yeta iɨvɨ pegua ñepɨ̈roka reta pe; ërei iñamɨrita jare omanota, jökorai ngaraa ye ma jërakua jesegua.

DANIEL 11:22

Opaeteita oyuka ikotɨ oyovaicho vae reta, ɨporu jeta oporoyuka rami; opaeteita omokañɨtei mburuvicha morogüɨrökuavee päve iyapoa ave.