JEREMÍAS 46:5 - Biblia Guarani Tumpa Iñee

⁵ Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 46:5 ပူးပေါင်းရင်းမြစ်များ

GÉNESIS 19:17

Güɨnoe ma ikatu pe yave jei reta chupe: —¡Etekuarai agüɨye vaerä remano! Agüɨye eyerova emae nderaɨkue kotɨ, jare agüɨye etei epɨta kuae ñuu rupi, etekuarai ɨvɨtɨ kotɨ agüɨye vaerä rekañɨtei.

ISAÍAS 13:8

okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 42:17

Tumpa-raanga reta re güɨrovia vae reta, mbae iä reta re güɨrovia vae reta, mbae iä reta re oñemotumpa vae reta, imara yaeta opa oyerova reta.”

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 20:10

Aendu jeta vae iñeenguru jei reta: “¡Oime kɨɨye opaete rupi!” “¡Peyu, ñañeapo Jeremías re!” Chevɨa-ïru reta ave oäro ambaeyavɨ vaerä. Jei reta: “Güɨramoi ombaeyavɨta; jayave jëguata yandeve, javoi yayepɨ jese.”

JEREMÍAS 46:15

¿Maera pa oa toro iä pemboete vae? Mbaetɨ ipuere oyemboɨ, echa che, peYa ko aitɨ.

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 49:29

Pepɨ̈ro jo reta guakapi pegua jare jɨmba reta, iasoya jare opaete jembiporu reta. Pepɨ̈ro chugüi icamello reta jare pesapúkai, pere: ‘¡Opaetei okɨɨye ñogüɨnoi vae!’

JEREMÍAS 49:5

Mase, oipota rupi güi aruta nderé rekɨɨye yae vaerä. Che, Tumpa Imbaepuere yae ete vae jae. Metei ñavo pegüi reta oëta otekuarai jape jape ae rupi, jare mbaetɨta kia omboatɨ ye otekuaraigüe reta.

JEREMÍAS 6:25

¡Agüɨye peë tëta güi ikatu kotɨ, agüɨye vi peguata tape rupi! Echa ¡tovaicho reta jembiporu ñeraro pegua ndive ñogüɨnoi; kɨɨye oime opaete rupi!”

EZEQUIEL 32:10

Jare amopɨakañɨ yaeta jeta vae reta ndereko pegua; juvicha guasu reta orɨrɨita okɨɨye güi, chekɨsepuku anoe ambovera yave jóvai reta. Jókuae ara neamɨri yave, opaete vae orɨrɨita okɨɨye yae güi.

EZEQUIEL 39:18

Jëia vae sundaro reta isoo peuta jare mburuvicha reta jugüɨ re peɨuta; Basán pegua vecha kuimbae reta isoo, vecha kuimbae taɨrusu vae, kavara kuimbae, güeye jare toro reta oyemongɨragüe isoo rami vae.

NAHUM 2:8

Ɨrɨru osoro vae güi ɨ osɨi rami, Nínive pegua reta otekuarai. “¡Pepɨta! ¡Peyerova ye!”, jei osapúkai chupe reta, ërei mbaetɨ metei ave oyerova ye.

NAHUM 2:9

¡Peñomi korepoti! ¡Peñomi oro! ¡Nínive pegua mbaeyekou mbaetɨta opa!

SOFONÍAS 1:14

¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!