JEREMÍAS 46:4 - Biblia Guarani Tumpa Iñee

⁴ ¡Peyokua kavayu reta! ¡Kavayu regua reta, pepo jese! ¡Peñono äka-regua peäka re jare peñesɨro! ¡Pemboakuarovi mii reta! ¡Pemonde perete regua temimonde ñeraro pegua!

JEREMÍAS 46:4 ပူးပေါင်းရင်းမြစ်များ

2 CRÓNICAS 26:14

Uzías oyapouka opaete sundaro reta peguarä yeopiaka, mii, äka-ɨru jiero pegua, temimonde jiero pegua, güɨrapa jare tamamboka.

NEHEMÍAS 4:16

Jókuae ara güive cherupiegua kuimbae reta mbɨte rupi oparavɨkɨ jare ïru mbɨte ñogüɨnoi mii ndive, yeopiaka ndive, juvɨ ndive, jare temimonde ñeraro pegua ndive. Jare jae reta ndive ñogüɨnoi Judá pegua mburuvicha reta omoäta ngatu reta vaerä.

ISAÍAS 8:9

Peyomboatɨ tëtaguasu reta, opata pekañɨtei; peyeapɨsaka, tëtaguasu ketɨgua reta: Yepe tëi peyupavota, ërei opata pekañɨtei; yepe tëi peipɨɨta perembiporu ñeraro pegua, ërei opata pekañɨtei.

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:3

Ayokuaita oikatu uvɨ ojäa vae reta, omoata kavi vaerä igüɨrapa, jare toyemonde jete regua temimonde ñeraro pegua reta pe: ¡Agüɨye poiparareko Babilonia pegua taɨrusu vae reta, opa pemokañɨtei isundaro reta!

EZEQUIEL 21:28

Nde kuimbae, emoërakua maratuta Amón iñemuña reta imbaeyuvanga katu vae reta kotɨ, ere: CheYa Tumpa jei körai: Kɨsepuku, kɨsepuku jɨrumbae ma oï oporoaseokɨ̈ti vaerä, jembipeasɨ overa oï oporoyuka vaerä.

JOEL 3:9

Pemoërakua kuae tëtaguasu reta pe: ¡Pemoërakua ñeraro! ¡Pemombarandu jëia vae reta! ¡Toyogüeru opaete kuimbae ñeraro regua reta!

1 SAMUEL 17:38

Jare Saúl omondeuka jemimonde ñeraro pegua David pe, jare oñono iñäka re metei äka-ɨru jiero iyu vae pegua, jare omondeuka vi chupe temimonde jete regua ñeraro pegua.

1 SAMUEL 17:5

Güɨnoi iñäka re metei äka-ɨru jiero iyu vae pegua, jare omonde vi metei temimonde jiero iyu vae pegua oñeopegüe; jare jókuae temimonde ipoɨ ko cincuenta y cinco kilo rupi.