JEREMÍAS 46:21 - Biblia Guarani Tumpa Iñee

²¹ Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 46:21 ပူးပေါင်းရင်းမြစ်များ

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 REYES 7:6

Echa yandeYa yepe oyapo Siriaɨgua reta jeyupa pe oyeendu vaerä käretou reta oguata vaeecha, oyeendu kavayu regua reta yogüeru vaeecha, jare jeta sundaro reta yogüeru vaecha oyeendu; jare Siriaɨgua reta oyemongeta mburuvicha guasu Israel pegua omboepɨ Het iñemuña reta juvicha guasu pe, jare Egiptoɨgua reta juvicha guasu pe oporepeña vaerä jese reta.

SALMOS 37:13

Ërei yandeYa oyoyaiñota, echa oikuaa köiño ma ou oiporara vaerä.

PROVERBIOS 15:17

Ikavi yae ko tembíu isoombae, mboroaɨu reve vae, tembíu kavi, mboroaɨumbae reve vae güi.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 34:7

Omano retata mɨmba búfalo jee vae rami, jare toro reta jare toro taɨrusu vae reta rami, jare iɨvɨ ñakɨ̈ta tugüɨ pe, jare ɨvɨkúi oñemonata mbaekɨra pe.

JEREMÍAS 18:17

Ɨvɨtuai rami ko, che opata amoai Israel iñemuña reta jovaicho reta jóvai; chekupeño ameeta chupe reta, ngaraa cherova, oväe yave iara oiporara reta vaerä.”

JEREMÍAS 46:22

Egipto otekuarai yave, mboi iñee ramita jäse; echa oporepeñata jese tovaicho reta yɨɨ ndive, yepea iyapoa reta rami.

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 46:9

¡Kavayu regua reta toë tenonde! ¡Toë vi käretou ñeraro pegua reta! ¡Ñeraro regua reta tomboɨpɨ vi toguata; sundaro reta Etiopíaɨgua jare Put pegua reta, iyeopiaka reve reve; sundaro reta Lud pegua reta oikatu yae uvɨ ojäa vae!

JEREMÍAS 48:44

Okɨɨye güi otekuarai vae, oata ɨvɨkua pe, jare ɨvɨkua güi oë tëigüe, oata ñuai pe, echa che aruta Moab re tembiporara. Che ndeYa ko jae kuae.

JEREMÍAS 49:8

¡Dedán pegua reta, petekuarai, pekua peñemi kavi! Echa amboaita Esaú iñemuña reta jëta; oväe ma ara aiporarauka vaerä chupe.

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

EZEQUIEL 30:22

Jáeramo, yandeYa Tumpa jei körai: Che ayovaicho Faraón mburuvicha guasu Egipto pegua re. Amopëta mókoi reve iyɨva chugüi, ikavi oï vae jare opë ma vae, aitɨukata kɨsepuku ipo güi.

EZEQUIEL 35:5

Nde reyovaicho avei Israel iñemuña reta kotɨ, jae reta oiporara yae ñogüɨnoi iyoa re yave, nde reporepeña jese reta.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 6:4

Peke tupa oñemopöra kavi elefante jäimbukugüe pe vae pe, jare peyapakua perupa pe; peu vecha taɨrusu vae japicha reta ipɨte güi jare toro taɨrusu oyemongɨragüe reta güi;

ABDÍAS 1:13

Agüɨyeta tëi ko peike tëta guasu pe, chembae vae reta yogüɨrekoa pe, jókuae ara rupi oiporara yogüɨreko yave, agüɨyeta tëi ko peyerovia, jókuae ara rupi yogüɨrekoasɨ katu yave, jókuae ara mbaetɨ mbae güɨreko reta yave, agüɨyeta tëi ko peñomi chugüi reta mbaembae jepɨ vae, jókuae ara tembiporara rupi yogüɨreko yave.

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.