JEREMÍAS 46:2 - Biblia Guarani Tumpa Iñee

² Kuae jae ñee reta Egipto regua, jae ko Faraón Necao mburuvicha guasu Egipto pegua isundaro reta regua; oï yave ɨ̈aka Éufrates jembeɨ pe, Carquemis pe; Nabucodonosor, mburuvicha guasu Babilonia pegua omoamɨri vae; Joacim, Josías taɨ irundɨa año ma oiko mburuvicha guasurä Judá pe yave:

JEREMÍAS 46:2 ပူးပေါင်းရင်းမြစ်များ

2 REYES 18:21

Aikuaa reyerovia reï Egipto re. Ërei peikuaa kavi, Egipto ko täkuareerasɨ oyemboakuarovi vae rami, kia nunga vae oyeko jese yave oikutu voi jare oësɨvo ipo. Jökorai ko Faraón mburuvicha guasu Egipto pegua, opaete jese oyeko vae pe.”

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 REYES 23:33

Faraón Necao güɨreko tembipɨɨrä Joacaz tëta Ribla pe, ɨvɨ Hamat pe, agüɨye vaerä oiko mburuvicha guasurä Jerusalén pe; jare oñono tëtaguasu ombaemboepɨ vaerä tres mil tresciento kilo korepoti jare treinta y tres kilo oro.

2 REYES 24:7

Jókuae güire mbaetɨ ye ma mburuvicha guasu Egipto pegua oë iɨvɨ güi, echa mburuvicha guasu Babilonia pegua opa opɨ̈ro chugüi opaete güɨnoigüe, ɨ̈aka raɨ Egipto pegua güive ojoi oväe ɨ̈aka Éufrates kotɨ.

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

JEREMÍAS 25:1

Irundɨa año ma mburuvicha guasurä oiko Joacim, Josías taɨ Judá pe yave, yandeYa jei Jeremías pe opaete ɨvɨ Judá regua. Jae ko tenondegua año re, Nabucodonosor oiko mburuvicha guasurä Babilonia pe yave.

JEREMÍAS 25:19

Amee vi oɨu jese Faraón mburuvicha guasu Egipto pegua, jare iyɨvɨrigua reta jare mburuvicha reta jare opaete jëta pegua reta,

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 36:1

Joacim, Josías taɨ, irundɨa año ma oiko mburuvicha guasurä Judá pe yave, yandeYa jei Jeremías pe körai:

JEREMÍAS 43:11

Jae outa omboai ɨvɨ Egipto. Oyembojee omano vaerä vae, omanota; oyembojee iɨvɨ güi oyereraja vaerä vae, oyererajata; oyembojee ñeraroa pe omano vaerä vae, joko pe omanota.

JEREMÍAS 45:1

Joacim, Josías taɨ irundɨa año ma oiko mburuvicha guasurä Judá pe yave, Baruc, Nerías taɨ ombaekuatía vae oikuatía ñeemombeúa Jeremías jei oï chupe vae. Jeremías jei Baruc pe:

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’