JEREMÍAS 46:14 - Biblia Guarani Tumpa Iñee

¹⁴ “Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 46:14 ပူးပေါင်းရင်းမြစ်များ

2 SAMUEL 2:26

Jayave Abner osapúkai Joab pe jei reve: —¿Jekuae ñotai pa omano vae? ¿Mbaetɨ pa reikuaa kuae rupi outa yandeve mbɨatɨtɨ jasɨ katu yae vae? ¿Kërai yave pa rereta ndesundaro reta pe, agüɨye mo vaerä oaɨkuemoña jëtara reta?

ÉXODO 14:2

“Ere Israel iñemuña reta pe toyembojeyupa Pi-hahirot jóvai, Migdol jare ɨguasu ipäu pe, Baal-zefón jóvai, kuae reta jóvai toyembojeyupa reta, ɨguasu jembeɨ pe.

ISAÍAS 1:20

ërei ngatu mbaetɨ yave pekɨ̈reɨ, jare peyembopɨapochɨ chekotɨ yave, opata ko pemano ñeraroa pe.” Echa yandeYa etei ko jei jökorai.

ISAÍAS 19:13

Mbaetɨ iyarakuaa Zoán pegua mburuvicha reta, opa itavɨ Menfis pegua mburuvicha reta; jae reta güɨraja jëtaguasu Egipto tape jupimbae vae rupi.

ISAÍAS 31:8

Asiria ñamɨrita ñeraro pe, ërei kuimbae potaä omoamɨri. Otekuaraita ñeraro güi, jare taɨrusu vae reta ñeraro regua opata oyepɨɨ tembipɨɨrä;

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

JEREMÍAS 12:12

Opaete ñuu ɨvate vatea rupi yogüeru oporomboai vae reta, echa che peYa, kɨsepuku anoi omboai vaerä kuae ɨvɨ jembeɨ güive ïru jembeɨ pe, ngaraa oime mbɨakatu metei vae pe ave.

JEREMÍAS 2:16

Tëta Menfis jare Tafnes pegua reta ave opa neapiasɨ.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 44:1

YandeYa jei Jeremías pe opaete Judáɨgua yogüɨreko Egipto pe vae reta peguarä: Tëta guasu reta Migdol, Tafnes, Menfis jare ɨvɨ Patros pegua reta regua körai:

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 46:19

Egipto pegua reta, peyupavo peyererajauka tembipɨɨrä, echa Menfis oyepoepɨta tëtagüerä, mbaetɨta kia oiko pɨpe.

JEREMÍAS 46:2

Kuae jae ñee reta Egipto regua, jae ko Faraón Necao mburuvicha guasu Egipto pegua isundaro reta regua; oï yave ɨ̈aka Éufrates jembeɨ pe, Carquemis pe; Nabucodonosor, mburuvicha guasu Babilonia pegua omoamɨri vae; Joacim, Josías taɨ irundɨa año ma oiko mburuvicha guasurä Judá pe yave:

EZEQUIEL 21:28

Nde kuimbae, emoërakua maratuta Amón iñemuña reta imbaeyuvanga katu vae reta kotɨ, ere: CheYa Tumpa jei körai: Kɨsepuku, kɨsepuku jɨrumbae ma oï oporoaseokɨ̈ti vaerä, jembipeasɨ overa oï oporoyuka vaerä.

EZEQUIEL 30:13

Che peYa Tumpa jae körai: Amboaita mbae iägüe reta oyemboete vae, amboaita Menfis pegua tumpa-raanga reta, mbaetɨ yeta ma mburuvicha Egipto pe, kɨɨye amotɨnɨeta jókuae ɨvɨ pe.

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

NAHUM 2:13

YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”

DEUTERONOMIO 32:42

Tugüɨ katuaita cheruvɨ, jare chekɨsepuku oyemoangapɨɨta soo re: ¡Tëogüe jare tembipɨɨ reta jugüɨ pe! ¡Tovaicho reta iavuku vae iñäka re!’