JEREMÍAS 45:5 - Biblia Guarani Tumpa Iñee

⁵ ¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

JEREMÍAS 45:5 ပူးပေါင်းရင်းမြစ်များ

GÉNESIS 6:12

Tumpa omae ɨvɨ pegua reta re, jare oecha opaetei oikomegua ɨvɨ pe, echa opaete vae reta jeko kavi opa oikomegua.

1 REYES 3:11

Jare jei chupe: “Kuae reiporu ramo, jare mbaetɨ reiporu ndeyeupe reikopuku vaerä, jare mbaetɨ reiporu ndeyeupe reikokatu vaerä, jare mbaetɨ reiporu nderovaicho reta omano vaerä, jaeño ma reiporu ndeyeupe arakuaa katu reikuaa vaerä reporojäa,

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

2 REYES 5:26

Ërei Eliseo jekuae jei ye chupe: —Kuimbae ogüeyɨ ikäretou güi ndemboresive vaerä yave, che joko pe aï cheyemongeta rupi. Añave mbaetɨ ikavi yamboresive vaerä korepoti, temimonde reta, ani yagua vaerä ko, uvarupa, vecha reta, güeye reta, tembiokuai kuimbae reta jare tembiokuai kuña reta.

SALMOS 131:1

CheYa, mbaetɨ chepɨayemboete, mbaetɨ aipotarai mbae re amae, mbaetɨ aeka mbae tuicha vae cheyeupe.

ISAÍAS 66:16

YandeYa ojäata opaete kuimbae reta tata rupi, jare kɨsepuku rupi; jeta yaeta omano vae.

JEREMÍAS 21:9

Opɨta kuae tëta guasu pe vae omanota ñeraro rupi, karuai ani mbaerasɨ ovakatu vae rupi. Ërei ngatu oë oñemee Caldeaɨgua reta peöva perenoi vae ipo pe vae, ngaraa omano; güɨroasayepeta jekove.

JEREMÍAS 25:15

YandeYa, Israel iTumpa jei cheve: “Eipɨɨ kuae kopa tɨnɨe chearasɨ pe vae, vino pe tɨnɨe rami vae, jare emee toɨu jese opaete tëtaguasu reta romondotaa rupi.

JEREMÍAS 25:16

Oɨu reta jese yave, jesagüɨrɨ retata jare imbokere rami opɨta retata, ñeraro ambouta chupe reta vae jeko pegua.”

JEREMÍAS 25:26

opaete mburuvicha guasu ɨvɨtuguasu kotɨgua, köiño vae ani mombɨrɨ yogüɨreko oyougüi vae. Opaete mborookuaía reta ɨvɨ pegua. Jare taɨkue ete oɨuta jese mburuvicha guasu Babilonia pegua.

JEREMÍAS 25:31

Jɨapugüe oyeenduta ɨvɨ iyapɨ kotɨ, echa yandeYa ojäata tëtaguasu reta, oenɨita ojäa vaerä opaete vae reta, omeeta jupimbae reta mano pe. Jei yandeYa.’ ”

JEREMÍAS 38:2

“YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’

JEREMÍAS 39:18

Che rogüɨroasayepeta, ngaraa ndeyuka reta. Reasayepeta tekove ndive, echa rerovia cheré. Che ndeYa ko jae kuae.’ ”

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”