JEREMÍAS 44:4 - Biblia Guarani Tumpa Iñee

⁴ Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 44:4 ပူးပေါင်းရင်းမြစ်များ

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

NEHEMÍAS 9:34

Oreruvicha guasu reta, oreruvicha reta, oresacerdote reta, oreñemuñagüe reta mbaetɨ oyapo ndeporookuai jeigüe, jare mbaetɨ oyeapɨsaka reta ndeporookuai reta re, ani yeandu reyapo tëi chupe reta vae re.

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 26:5

ani mbaetɨ peipota peyeapɨsaka vaerä cherembiokuai reta ñeemombeúa re, che ambou peve iyɨpɨ güive osondombae reve vae reta, jare kuae reta re mbaetɨ peyeapɨsaka yave,

JEREMÍAS 29:19

Echa mbaetɨ peyapo amombeu peve iyɨpɨ güive voi cherembiokuai ñeemombeúa reta rupi vae, amondo yave peve, mbaetɨ peyeapɨsaka jese reta. Che peYa ko jae kuae.

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 35:17

Jáeramo che, peYa Imbaepuere yae ete vae Israel iTumpa, jae: Aruta Judá re jare Jerusalén pegua reta re, susere yavaetegüe amoërakua chupe reta vae; echa pe reta mbaetɨ peyapo che jae vae: ‘Poenɨi tëi, jare mbaetɨ pemboyevɨ cheve ñee.’ ”

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 7:17

¿Remaeä pa jae reta kërai mbae oyapo tëta guasu reta ɨvɨ Judá pe, jare kaye reta Jerusalén pegua rupi vae re?

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

JEREMÍAS 7:25

Peñemuñagüe reta Egipto güi ñogüɨnoe güive añave regua, che ambou avei peve opaete cherembiokuai ñeemombeúa reta.

EZEQUIEL 16:36

Che ndeYa Tumpa jae körai: Nde remboyekuaa nemarambae reve nderete remee ndeaguasa reta pe jare opaete netumpa-raanga reta pe yave; repɨyere vi tugüɨ, remee yave nemembɨ oyeapɨ vaerä mɨmba oyeyuka oñemee jese vae re.

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 8:10

Aike, jare aecha oguambɨ re oñemopïra oyeapo oipotagüe mɨmba ipɨtía re oguata vae reta iä, jare mɨmba oyeumbae vae reta iä, güɨroyere reta oyapo oguambɨ re, Israel pegua reta itumpa-raanga iä reta.

DANIEL 9:6

Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.