JEREMÍAS 44:3 - Biblia Guarani Tumpa Iñee

³ ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 44:3 ပူးပေါင်းရင်းမြစ်များ

NEHEMÍAS 9:33

Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 16:10

Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 22:9

Jare jeita chupe reta: ‘Echa oeya reta morogüɨrökuavee päve iYa Tumpa omee chupe reta vae, omboete reta tumpa ambuae reta jare oyeokuai reta chupe.’ ”

JEREMÍAS 29:19

Echa mbaetɨ peyapo amombeu peve iyɨpɨ güive voi cherembiokuai ñeemombeúa reta rupi vae, amondo yave peve, mbaetɨ peyeapɨsaka jese reta. Che peYa ko jae kuae.

JEREMÍAS 32:30

Iyɨpɨ güive ɨvɨ Israel pegua reta jare ɨvɨ Judá pegua reta oyapo avei ikavimbae cheróvai; chemboarasɨuka reta itumpa-raanga reta, jae reta aeño oyapo iyeupe vae rupi. Che peYa jae kuae.

JEREMÍAS 44:23

Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

JEREMÍAS 5:19

Oparandu reta ndeve yave: ‘¿Maera pa kuae oyapo oreve yandeYa Tumpa?’ Javoi ere chupe reta: ‘Pesɨrɨ yandeYa güi jare peyeokuai tumpa ambuae pe peɨvɨ pe rami, jökorai peota peyeokuai ketɨgua reta pe ɨvɨ ambuae pe.’

JEREMÍAS 5:29

Kuae jeko pegua, ¿amaeñota ra jese reta? Kuae rami oyapo vae, ¿mbaetɨ ra jupi aiporarauka vaerä chupe reta jeko re? Che peYa, jae.

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

LAMENTACIONES 1:8

Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 29:25

Jare jei retata: ‘IYa Tumpa oyapo morogüɨrökuavee päve iñemuñagüe reta pe vae oeya reta jeko pegua, ɨvɨ Egipto güi güɨnoe yave omee chupe reta vae,

DEUTERONOMIO 29:26

jare opa yogüɨraja omboete tumpa ambuae reta, oyetavatɨka reta jóvai, jae reta mbaetɨ oikuaa vae pe, mbaetɨ metei ave mbae omee chupe reta vae pe.

DEUTERONOMIO 32:17

omee reta mɨmba oyeyukagüe aña reta pe, jare mbaetɨ omee reta Tumpa pe; tumpa reta mbaetɨ oikuaa vae reta pe, tumpa ipɨau vae reta, köi güi güeru ramo vae pe, mbaetɨ peñemuñagüe reta omboete vae reta pe.

Hebreos 3:16

¿Kia reta pa jókuae Tumpa iñee oendu güire omboarasɨuka vae? ¿Jaeä pa Moisés güɨnoe Egipto güi vae reta?