JEREMÍAS 44:26 - Biblia Guarani Tumpa Iñee

²⁶ Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 44:26 ပူးပေါင်းရင်းမြစ်များ

GÉNESIS 22:16

jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;

SALMOS 50:16

Ërei jeko kavimbae pe Tumpa jei: “¿Kërai pa nde ndepuere nemiari cheporookuai reta re, jare remombeu cheporogüɨrökuavee päve?

SALMOS 89:34

Ngaraa cheakañɨ cheporogüɨrökuavee päve güi, ngaraa vi aipoepɨ jaegüe.

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

JEREMÍAS 22:5

Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”

JEREMÍAS 24:8

Ërei ngatu Sedequías, mburuvicha guasu Judá pegua, jare mburuvicha reta jare ïru Jerusalén pegua reta opɨtaño kuae ɨvɨ pe vae, ani oñemoëta Egipto pe vae, amaeta jese reta ɨva ikavimbae yae vae rami, jókuae mbaetɨ etei ikavi oyeu vaerä vae rami.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 44:11

Jáeramo che, peYa Imbaepuere yae ete vae Israel iTumpa, jae peve: ‘Aruta ikavimbae peré, jökorai amokañɨ vaerä Judá.

JEREMÍAS 44:14

Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”

JEREMÍAS 44:24

Jeremías jei ye opaete vae pe, jare opaete kuña reta pe: —Peyeapɨsaka yandeYa iñee re, opaete pe reta Judáɨgua ɨvɨ Egipto pe peiko vae.

JEREMÍAS 46:18

Cheyé aeño arökuavee, jei Mburuvicha guasu yandeYa Imbaepuere yae ete, jee vae. Ɨvɨtɨ guasu Tabor tuicha yae ïru ɨvɨtɨ reta güi rami, jare ɨvɨtɨ guasu Carmelo ɨvate ɨguasu güi rami, jökorai jókuae tovaicho outa vae.

JEREMÍAS 49:13

Che peYa, cheyé aeño arökuavee. Tëta guasu Bosra opɨtata ipombae, ñeerä jare yepopeyurä; jare opaete ïru jëta guasu reta oyemboaita opɨta jekuae avei pegua.”

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

JEREMÍAS 51:14

YandeYa Imbaepuere yae ete vae jei iyé ae: “¡Romotɨnɨeta tovaicho reta pe, tuku jeta yae rami, jae reta osapukaita nderé, nemoamɨri yave!”

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

AMÓS 6:10

Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

NÚMEROS 14:28

Ere chupe reta körai: YandeYa jei: “¡Cheree re tamombeu peve! Jókuae aendu pere rami ayapota peve.

Hebreos 3:18

Echa Tumpa jei jee re ae mbaetɨ vaerä oike reta iputuúa pe, jókuae iñeereendumbae reta.

Hebreos 6:13

Echa Tumpa güɨrökuavee Abraham pe yave, mbaetɨ kia tuichagüe yae vae chugüi ramo jei iyé aeño,

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.