JEREMÍAS 44:23 - Biblia Guarani Tumpa Iñee

²³ Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.

JEREMÍAS 44:23 ပူးပေါင်းရင်းမြစ်များ

1 REYES 9:9

Jare jei retata: ‘Oeya reta iYa Tumpa Egipto güi güɨnoe iñemuñagüe reta vae jare omboete reta tumpa ambuae; jáeramo Tumpa ombou jese reta opaete mbae ikavimbae.’ ”

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

NEHEMÍAS 13:18

Körai etei ko peru reta oyapo vi, jáeramo ko Tumpa ombou jeta mbaesusere yanderé jare kuae tëta re. ¿Peipota vɨteriño pemoïru ye Tumpa iyarasɨ kuae Israel re, pemboeteä ramboeve ara mbutuu?

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

SALMOS 119:150

Chemotareɨ vae reta oya ikavimbae re, oyembosɨrɨ reta ndeporookuai güi.

SALMOS 119:155

Matɨ ko oï ndeporogüɨroasayepe iyoa vae reta güi, echa mbaetɨ oeka reta ndeporookuai reta.

SALMOS 78:10

mbaetɨ omboete reta Tumpa iporogüɨrökuavee päve, mbaetɨ vi oipota reta oyapo jae iporookuai,

SALMOS 78:56

Ërei jae reta ojäa jare omboarasɨuka Tumpa Tuichagüe yae ete vae, jare mbaetɨ oyapo reta jae iporookuai;

JEREMÍAS 26:4

Ere chupe reta, körai jei yandeYa: ‘Peendúä cheve peguata vaerä cheporookuai añono peróvai vae rupi yave,

JEREMÍAS 40:3

jare añave oyembopo jókuae omoërakua vae. Kuae oasa pe reta ndive, echa peyoa Tumpa kotɨ jare mbaetɨ peyapo jae jeigüe.

JEREMÍAS 44:10

Jare mbaetɨño pereko reta peipoepɨ añave regua, mbaetɨ vi peipoɨu, mbaetɨ vi peyapo mborookuai reta amee peve jare peñemuñagüe reta pe amee vae.’

JEREMÍAS 44:18

ërei romboɨpɨ roeya jókuae roapɨ ikäti kavi vae incienso oretumpa ara pegua Mburuvicha kuña jee vae pe güire, omboɨpɨ oata opaete mbaembae oreve, jare oreïru reta omano ñeraro jare karuai rupi.

JEREMÍAS 44:2

“Che peYa Imbaepuere yae ete vae Israel iTumpa, jae: ‘Pe reta peecha opaete susere reta ambou Jerusalén re vae jare Judá pegua tëta guasu reta re vae. Añave jókuae tëta guasu reta opa oyemboai oï, ipoä etei ñogüɨnoi,

JEREMÍAS 44:21

—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

LAMENTACIONES 1:8

Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

1 Corintios 10:20

Ërei che jae peve jae ko: Judiombae vae reta omee mɨmba oyeyukagüe isoo omee vae, aña reta pe ko omee. Omeeä ko Tumpa pe. Che mbaetɨ aipota peyeapo metei ramiño aña reta ndive jókuae peu vae rupi.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”