JEREMÍAS 44:21 - Biblia Guarani Tumpa Iñee

²¹ —¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

JEREMÍAS 44:21 ပူးပေါင်းရင်းမြစ်များ

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

SALMOS 79:8

Agüɨye eiporarauka oreve oreñemuñagüe reta iyoa re, ¡ndeporoparareko tou jarembae oreve, echa orepɨatɨtɨ yae roï!

ISAÍAS 64:9

OreYa, agüɨye ndearasɨ yae, agüɨye vi nemaendúa avei oreyoa reta re. ¡Mase, ndembae vae ko opaete ore reta!

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 44:20

Jayave Jeremías jei opaete kuimbae reta jare kuña reta, omboyevɨ ñee chupe vae reta pe körai:

JEREMÍAS 44:9

¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?

EZEQUIEL 16:24

remopüa yeti mbaemboete renda ɨvɨtɨ rupigua reta rembaemboete vaerä, jare mɨmba oyeyukagüe oyeapɨ jese vae opaete oka guasu rupi.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

DEUTERONOMIO 32:19

Jare jókuae yandeYa oecha yave iyarasɨ, taɨ jare tayɨ reta iporogüɨröɨro ikotɨ ramo;

DEUTERONOMIO 32:34

Opaete kuaekuae añovatu aï che ndive, añovatu aï mbae jepɨ yae vae rami,

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”