JEREMÍAS 44:17 - Biblia Guarani Tumpa Iñee

¹⁷ Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 44:17 ပူးပေါင်းရင်းမြစ်များ

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 22:17

echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta kotɨ, jare mbaetɨta chearasɨ poi.’

2 CRÓNICAS 28:23

echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.

NEHEMÍAS 9:34

Oreruvicha guasu reta, oreruvicha reta, oresacerdote reta, oreñemuñagüe reta mbaetɨ oyapo ndeporookuai jeigüe, jare mbaetɨ oyeapɨsaka reta ndeporookuai reta re, ani yeandu reyapo tëi chupe reta vae re.

SALMOS 106:6

Oreyoa vi oreñemuñagüe reta rami, royapo ikavimbae, royapo jupimbae.

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

ÉXODO 16:3

Körai jei Israel iñemuña reta chupe reta: —¡Maera ra romano voiä yandeYa ipo pe ɨvɨ Egipto pe! Roguapɨse yave yapepo soo ndive jare mbɨyape rou orerɨ̈vɨata regua; ërei pe orerenoe kuae ñuu rupi oreyukauka vaerä yɨmbɨaɨ pe opaete kuae roiko vae.

ISAÍAS 48:5

tenonde güive voi ma amombeu peve, ndei oasa mbove amombeu peve. Agüɨye vaerä pere: ‘Ñanetumpa ko oyapo, tumpa iä yayapo vae ko oyapo kuaekuae.’

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 11:12

Jayave Judá pegua jare Jerusalén pe yogüɨreko vae yogüɨrajata oiporu yemborɨ tumpa-raanga reta pe, jókuae oapɨ ikäti kavi vae incienso chupe reta vae pe. Ërei jae reta ngaraa ipuere oepɨ reta susere iara pe.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 44:21

—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

JEREMÍAS 44:25

YandeYa Imbaepuere yae ete vae Israel iTumpa jei körai: “Pe reta jare perembireko reta, pere vae peyapo. Pe reta peñererökuavee peapɨ vaerä ikäti kavi vae incienso jare mbota vino oyepɨyere vae tumpa ara pegua Mburuvicha kuña jee vae pe; peñererökuavee peyapo vaerä vae pembopo.

JEREMÍAS 44:9

¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?

JEREMÍAS 7:17

¿Remaeä pa jae reta kërai mbae oyapo tëta guasu reta ɨvɨ Judá pe, jare kaye reta Jerusalén pegua rupi vae re?

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

EZEQUIEL 23:41

javoi oguapɨ reta metei tupa kavi pe, jare mesa pe oñono reta ikäti kavi vae incienso jare olivo iasaite oñeñono tee cheve vae.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

HABACUC 1:16

Jáeramo yeporaka regua omboete yae ipɨsa jare ipinda, omee mɨmba oyeyuka vae jare oapɨ ikäti kavi vae incienso omboete jeko pegua; echa jókuae rupi güɨnoi jou vaerä tembíu ikavigüe ikɨra kavi vae.

NÚMEROS 30:12

Ërei ime oyopia chugüi yave, mbaetɨta ombopo; echa ime omboai, jare yandeYa iñɨ̈rota chupe.

NÚMEROS 30:2

Kia nunga vae oyapo yave ñererökuavee yandeYa pe, ani jee re oñererökuavee mbae oyapo vaerä yave, tombopo iñee, toyapo opaete jeigüe.

San Marcos 6:26

Jayave mburuvicha guasu ipɨatɨtɨ yae. Ërei Tumpa jee re jei chupe ramo, jare ïru vae reta oendu ramo, mbaetɨ ipuere omboai iñererökuavee.

DEUTERONOMIO 23:23

ërei peñererökuavee yave yandeYa Tumpa pe, pembopo pepɨa-kɨ̈reɨ ngatu reve mbota perökuavee vae.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

1 Pedro 1:18

Peikuaa ma ko peñerenoeuka tenonde yave peikose vae güi, peñemuñagüe reta oeyagüe peve vae güi; mbaetɨ ko korepoti ani oro rupi peñerenoe, echa korepoti jare oro opa vae ko,

JUECES 11:36

Jare tayɨ jei chupe: —Cheru, eyapo che ndive jókuae reñererökuavee yandeYa pe vae, echa jae ombopo ma ndeve remoamɨri vaerä nderovaicho Amón iñemuña reta.