JEREMÍAS 44:14 - Biblia Guarani Tumpa Iñee

¹⁴ Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”

JEREMÍAS 44:14 ပူးပေါင်းရင်းမြစ်များ

ISAÍAS 10:20

Jókuae ara rupi, Israel pegua reta oasayepegüe, Jacob iñemuña pegua reta oasayepegüe, ngaraa ye ma oyeko reta imoamɨría re, ërei ngatu oyeko retata añetete pegua yandeYa re, Iyoambae Israel pegua re.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

JEREMÍAS 22:10

Agüɨye peäpiro mburuvicha guasu Josías, agüɨye peäpiro omanogüe; peäpiro taɨ Salum, tu jekovia pe oguapɨ mburuvicharä vae, echa oyereraja ko ou yembae vaerä; ngaraa ye ma oecha iɨvɨ oa pɨpe vae.

JEREMÍAS 42:17

Opaete ikɨ̈reɨ ojo oiko Egipto pe vae, omanota joko pe ñeraro rupi, karuai jare mbaerasɨ ovakatu vae rupi. Mbaetɨ eteita kia oikove; mbaetɨ eteita kia oasayepe susere tuicha yae aruta jese reta vae güi.’

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

EZEQUIEL 20:38

Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

Romanos 2:3

Jare nde kuimbae, reporomboeko vae, nde vi teko iyapoa vae, ¿reyemongeta pa reasayepeta Tumpa iporojäa güi?

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.