JEREMÍAS 43:4 - Biblia Guarani Tumpa Iñee

⁴ Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

JEREMÍAS 43:4 ပူးပေါင်းရင်းမြစ်များ

2 REYES 25:26

Jayave opaete vae opa opüa yogüɨraja, michia güive jare okuakuaa vae reta sundaro reta juvicha ndive Egipto kotɨ, Caldeaɨgua reta güi okɨɨye jeko pegua.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

ECLESIASTÉS 9:16

Jayave che jae: “Arakuaa katu ko ikavi yae mbaepuere ñanoi vae güi, yepe tëi paravete vae iyarakuaa katu oñereröɨro chugüi ani iñee re ave mbaetɨ kia oyeapɨsaka vae.”

JEREMÍAS 41:16

Javoi Johanán, Carea taɨ jare sundaro reta juvicha reta jae ndive ñogüɨnoi vae ipo pe opɨta opaete Ismael, Netanías taɨ güɨraja tëi Mizpa güi Gedalías oyuka güire vae reta; jae ko: Sundaro reta, kuña reta, michia reta jare oyeapiaogüe reta. Johanán opa ye güeru Gabaón güi.

JEREMÍAS 42:21

Añave che aikuaauka peve yandeYa Tumpa cheokuai jae vaerä peve vae, ërei pe reta mbaetɨ peipota peyapo.

JEREMÍAS 42:8

javoi jae oenɨi Johanán, Carea taɨ, jare jupiegua sundaro ruvicha reta jare opaete vae reta, paravete vae güive oikokatu vae pe,

JEREMÍAS 44:5

Ërei pe reta mbaetɨ peendu jare mbaetɨ peyapo jaegüe. Peeya vaerägüe pereko kavimbae, jeieteño peapɨ ikäti kavi vae incienso tumpa ambuae reta pe.