JEREMÍAS 43:12 - Biblia Guarani Tumpa Iñee

¹² Oapɨta Egipto pegua tumpa-raanga reta itupao reta, tumpa-raanga reta oapɨta ani opata güɨraja tembipɨɨ rami; opaeteita oitɨvɨro oeya tëtaguasu Egipto, metei vecha iyangarekoa jemimonde güi ñemokɨra oitɨo rami, javoi oë yeta ojo mbaetɨ etei reve kia oyopia.

JEREMÍAS 43:12 ပူးပေါင်းရင်းမြစ်များ

2 SAMUEL 5:21

Jare filisteo reta opa oeya joko pe itumpa-raanga reta, David jare isundaro reta opa oapɨ.

ESTER 6:9

jare toñemee jókuae temimonde jare kavayu, mburuvicha rerovia katu vae ipo pe; jare jae tomondeuka jókuae kuimbae nekɨ̈reɨ remboeteuka vae pe, jare togüɨraja kavayu re oka guasu rupi jare tomoërakuauka osapúkai reve jenonde: “¡Körai ko oyeapo kuimbae, mburuvicha guasu ikɨ̈reɨ omboeteuka vae!”

JOB 40:10

Jayave eyemonde mburuvicha rami, yemboetea ikavi vae pe eñeova.

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 132:16

Amboyekuaata ndesacerdote reta re chembaepuere yemborɨ pegua, jare joko pe chembae vae reta oyeroviata.

SALMOS 132:18

Jovaicho reta ambojopaukata, ërei jae iñäka-regua jembipeta oyekuaa.”

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 46:1

Tumpa-raanga Bel oyeitɨ, tumpa-raanga Nebo opa oyeka. Jókuae tumpa-raanga reta opata oñeñono mɨmba ivoɨtarä, oipotagüe voɨta rami ko oñeñonota mɨmba ikangɨ vi vae reta re.

ISAÍAS 46:2

Jókuae tumpa-raanga reta opa oyeitɨ, mbaetɨ ipuere reta oyereroasayepe, opa vi oyererajauka ɨvɨ ambuae kotɨ.

ISAÍAS 49:18

Emopüa neäka jare emae ndeɨ́vɨri rupi, emae, kërai oyemboatɨ opaete kuae yogüeru ndépɨri vae reta. Che peYa, tae cheyé aeño ndeve, kërai opaete jókuae yogüeru vae reta pe reñemopörata, metei kuñatai omenda vae oñemopöra vae rami.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:5

Ketɨgua reta oyangarekota pevecha reta re, jare peko reta rupi jare peuvarupa reta rupi oparavɨkɨ retata peve.

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 25:19

Amee vi oɨu jese Faraón mburuvicha guasu Egipto pegua, jare iyɨvɨrigua reta jare mburuvicha reta jare opaete jëta pegua reta,

JEREMÍAS 43:13

Omboaita vi tëta guasu Bet-semes pegua ita reta oyemboete vae, ɨvɨ Egipto pe oï vae, jare Egipto pegua tumpa-raanga reta itupao opata oapɨ reta.’ ”

JEREMÍAS 46:25

YandeYa Imbaepuere yae ete vae Israel iTumpa jei: “Amboaita Amón, Tebas itumpa jare Egipto itumpa-raanga reta, aiporaraukata Egipto pe, jare juvicha guasu reta pe; aiporaraukata Faraón pe jare güɨrovia katu jese vae reta pe.

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

JEREMÍAS 49:27

Ayatapɨta Damasco ikësea re, jare jókuae tata oapɨta Ben-adad jo reta.”

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

EZEQUIEL 29:11

Mbaetɨta kia yepe ani mɨmba reta yepe oasa jokoropi. Cuarenta año rupi mbaetɨta kia oiko joko pe.

EZEQUIEL 29:19

Jáeramo, che Tumpa jae körai: Nabucodonosor mburuvicha guasu Babilonia pegua pe ameeta ɨvɨ Egipto, opɨ̈rota chugüi imbaeyekou reta jare opaete mbae güɨnoi vae; jókuae opɨ̈rogüe pe omboepɨta isundaro reta pe.

EZEQUIEL 30:13

Che peYa Tumpa jae körai: Amboaita mbae iägüe reta oyemboete vae, amboaita Menfis pegua tumpa-raanga reta, mbaetɨ yeta ma mburuvicha Egipto pe, kɨɨye amotɨnɨeta jókuae ɨvɨ pe.

DANIEL 11:8

Opɨ̈rota güɨraja Egipto kotɨ itumpa-raanga reta, mbae iä reta jiero oyemondɨkui oyeapo vae pegua jare jembiporu reta ipöra yae vae korepoti pegua jare oro pegua. Ërei mbovɨ año rupi jae oyembosɨrɨta oiko mburuvicha guasu ɨvɨtuguasu kotɨgua güi,

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Efesios 6:11

Peyemonde tembiporu ñeraro pegua Tumpa omee vae pe, pepuere vaerä täta peï opaete mbae ikavimbae vae aña guasu oipota oyapo peve vae güi.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

Colosenses 3:14

Opaete kuaekuae reta güi peyoaɨu. Echa mboroaɨu ko ikavi yae oporomometei vaerä.