JEREMÍAS 43:11 - Biblia Guarani Tumpa Iñee

¹¹ Jae outa omboai ɨvɨ Egipto. Oyembojee omano vaerä vae, omanota; oyembojee iɨvɨ güi oyereraja vaerä vae, oyererajata; oyembojee ñeraroa pe omano vaerä vae, joko pe omanota.

JEREMÍAS 43:11 ပူးပေါင်းရင်းမြစ်များ

JOB 20:29

Jae ko kuae Tumpa omokätɨro iyoa vae pe vae; chupeguarä jei kuaekuae.

JEREMÍAS 15:2

Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 25:15

YandeYa, Israel iTumpa jei cheve: “Eipɨɨ kuae kopa tɨnɨe chearasɨ pe vae, vino pe tɨnɨe rami vae, jare emee toɨu jese opaete tëtaguasu reta romondotaa rupi.

JEREMÍAS 25:19

Amee vi oɨu jese Faraón mburuvicha guasu Egipto pegua, jare iyɨvɨrigua reta jare mburuvicha reta jare opaete jëta pegua reta,

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 44:12

Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.

JEREMÍAS 44:13

Jökorai aiporaraukata Egipto pe yogüɨreko vae pe, Jerusalén pegua reta pe aiporarauka rami, ñeraro rupi, karuai jare mbaerasɨ ovakatu vae rupi.

EZEQUIEL 29:11

Mbaetɨta kia yepe ani mɨmba reta yepe oasa jokoropi. Cuarenta año rupi mbaetɨta kia oiko joko pe.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

ZACARÍAS 11:9

Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.