JEREMÍAS 43:1 - Biblia Guarani Tumpa Iñee

¹ Jeremías opa imiari opaete vae reta pe, jae reta iYa Tumpa oyókuai jei vaerä chupe reta vae yave,

JEREMÍAS 43:1 ပူးပေါင်းရင်းမြစ်များ

GÉNESIS 19:14

Jayave Lot oë ojo imiari jovayarä vae reta pe, tayɨ reta ndive omendata vae, jei chupe reta: —¡Pepüa jare peë kuae güi; echa cheYa omokañɨteita kuae tëta guasu! Ërei ngatu jovayarä vae reta oyoyaiño, mbaetɨ güɨrovia, echa Lot jei jeiñoecha chupe reta.

ÉXODO 24:3

Jare Moisés ou omombeu Israel iñemuña reta pe, opaete yandeYa iñee reta jare opaete mborookuai reta; jare opaete reve metei rami jei reta Moisés pe: —¡Toroyapo opaete yandeYa jei vae!

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 1:7

Ërei yandeYa jei cheve: “Agüɨye ere chetaɨrusu yae ko. Che royokuaía rupi ko reota, jare opaete royókuai vae rereta.

JEREMÍAS 26:2

“Eyemboɨ chetupao joka pe jare nemiari opaete tëta guasu reta Judá pegua güi yogüeru ombaemboete vaerä tupao pe vae reta pe, opaete cheñee reta royókuai nemiari vaerä chupe reta vae. Agüɨye eeya metei ave ñee reta.

JEREMÍAS 26:8

Jare Jeremías opa ma imiari opaete yandeYa oyókuai jei vaerä opaete vae reta pe yave; sacerdote reta, ñeemombeúa reta jare opaete vae reta oipɨɨ Jeremías, jei reve chupe: “¡Remanota ko añave!

JEREMÍAS 42:21

Añave che aikuaauka peve yandeYa Tumpa cheokuai jae vaerä peve vae, ërei pe reta mbaetɨ peipota peyapo.

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 5:12

Israel pegua reta jare Judá pegua reta güɨröɨro yandeYa; jei reta: “Mbaeä etei ko Tumpa. Ngaraa ikavimbae ou yandeve, ngaraa oime ñeraro ani karuai.”

JEREMÍAS 51:63

Javoi opa remongeta yave kuae tembikuatía, eyokua jese ita, javoi emombo ɨ pe ɨ̈aka Éufrates pe,

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Hechos 20:27

Echa amombeu kavi peve opaete Tumpa jei vae.

Hechos 5:20

“Pekua peyemboɨ tupao pe pemombeu opaete vae reta pe ñee tekove pegua.”

1 SAMUEL 8:10

Jayave Samuel omombeu yandeYa iñee opaete vae pe; mburuvicha guasu oiporu chupe vae reta pe.