JEREMÍAS 42:6 - Biblia Guarani Tumpa Iñee

⁶ Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.

JEREMÍAS 42:6 ပူးပေါင်းရင်းမြစ်များ

SALMOS 128:2

Reu ndeparavɨkɨagüe yave, reyeroviata ko jare reiko kavita.

SALMOS 78:36

Ërei jei raangaiño, iñee-yukɨ reta chupe, iyapu reta chupe.

ÉXODO 24:7

Jare oipɨɨ tembikuatía morogüɨrökuavee päve regua oï pɨpe vae, jare omongeta opaete vae reta pe, jare jae reta jei: —Toroendu jare toroyapo opaete mbae yandeYa jei vae.

ISAÍAS 3:10

Ere jupi vae pe, ojo kavita ko, echa oyekouta jembiapo re.

JEREMÍAS 22:15

¿Reyemongeta pa mburuvicha guasurä reï ndero reñova kavi ɨ̈vɨrare pe jeko pegua? Nderu oiko kavi, echa oyapo jupi vae jare sɨmbi vae, jáeramo oë kavi opaete mbaembae chupe.

JEREMÍAS 43:4

Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

Romanos 7:13

Jayave, ¿jókuae ikavi vae, chererajata pa mano kotɨ? ¡Mbaetɨ ko! Jae ko oyekuaa vaerä mbaeyoa, añetete ko mbaeyoa vae ramo, cheyuka jókuae ikavi vae rupi; jökorai mborookuai jei vae rupi ou oyekuaa mbaeyoa ikavimbae yae ko vae.

Romanos 7:7

¿Mbae pa yaeta? ¿Yaeta pa mborookuai jae ko mbaeyoa? ¡Mbaetɨ ko! Ërei che mborookuai rupi aikuaa mbaeyoa. Echa ngaraa tëi aikuaa mbaepotarai, mborookuai mbaetɨ yave mona jei: “Agüɨye pembaepotarai.”

Romanos 8:7

Echa soo jemimbota reta reño oyemoambeko vae reta oyovaicho ko Tumpa kotɨ. Echa ñäteɨ jare ipuereä oyapo reta Tumpa iporookuai;

DEUTERONOMIO 5:27

Nde eya jese, jare eendu opaete ñee yandeYa Tumpa jei vae, javoi emombeu oreve opaete yandeYa Tumpa jei ndeve vae, jare ore toroendu jare toroyapo.’

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

JOSUÉ 24:24

Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.