JEREMÍAS 42:5 - Biblia Guarani Tumpa Iñee

⁵ Jayave jae reta jei Jeremías pe: —YandeYa Tumpa jupi vae jare añete vae, jae toï oreve oecha vaerä, mbaetɨ yave royapo opaete jae ndeokuai remombeu oreve vae.

JEREMÍAS 42:5 ပူးပေါင်းရင်းမြစ်များ

GÉNESIS 31:50

Mbaetɨ yave rereko kavi cherayɨ reta ani ambuae vae rereko chugüi reta yave, yepe tëi mbaetɨ kia oï yande ndive, Tumpa etei tomae toï yanderé.

ÉXODO 20:19

Jare jei reta Moisés pe: —Ndeño nemiari oreve, jare ore toroendu; ërei agüɨye Tumpa timiari ore ndive, agüɨye vaerä romano.

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

JEREMÍAS 43:2

Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

JEREMÍAS 43:4

Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

MIQUEAS 1:2

Peyeapɨsaka opaete vae; peyeapɨsaka peï opaete kuae ɨvɨ pe peiko vae: YandeYa jëta ikɨambaea güi, tomae toï peré.

MALAQUÍAS 2:14

Ërei pere: “¿Maera pa?” ¡Echa yandeYa pereecha ko kërai peiko petaɨrusu yave pemenda jae ndive vae ndive; echa mbaetɨ pereko kavi ikotɨ, jae ko peïru, jae ko perembireko pemenda kavi jae ndive vae!

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

JUECES 11:10

Jare Galaad pegua tenondegua vae reta jei chupe: —YandeYa oikuaa oï yanderegua, toroyapo opaete kuae rere vae.

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!

1 SAMUEL 20:42

Jare Jonatán jei David pe: —Ekua ndepɨakatu reve, echa ñañererökuavee ko yandeYa jee re yae reve: “YandeYa toï nde ndive jare che ndive jare ñaneñemuña reta ndive jekuae avei pegua.” Jare David opüa ojo jare Jonatán ou ye tëta guasu kotɨ.