JEREMÍAS 42:2 - Biblia Guarani Tumpa Iñee

² yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

JEREMÍAS 42:2 ပူးပေါင်းရင်းမြစ်များ

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

SALMOS 119:170

Cheyerure tojo toväe ndeve. ¡Chereepɨ nde rerökuavee rami!

ÉXODO 8:28

Jare Faraón jei: —Amaeñota peo pemee vaerä mɨmba oyeyukagüe peYa Tumpa pe ñuu kotɨ, ërei agüɨyeta peo mombɨrɨ ete; jare peyerure cheré.

ÉXODO 9:28

Peyerure peYa pe kuae ararɨapu jare amandau osondo vaerä, jare che amaeñota ma peo, jare ngaraa ye ma omombɨta.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

JEREMÍAS 15:11

Iyepopeyu reta toyembopo, cheYa, mbaetɨ yave ayeokuai kavi ndeve, mbaetɨ yave ayerure tovaicho reta re ndeve, ñogüɨnoi yave susere pe ani mbɨatɨtɨ pe.

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 37:20

Mburuvicha guasu, romoñera añave jare eendu cheve. Agüɨye emaeño tachereraja reta ye ombaekuatía vae Jonatán jëta pegua tembipɨɨrɨru pe, agüɨye vaerä amano joko pe.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 38:14

Taɨkue rupi mburuvicha guasu Sedequías omondo güeruruka ñeemombeúa Jeremías jae oïa pe, yandeYa jo jöke mboapɨa pe. Jare jei chupe: —Aparanduta ndeve, agüɨye etei eikuaku chegüi metei ave mbae.

JEREMÍAS 40:15

Jayave Johanán, Carea taɨ jei vɨari Gedalías pe Mizpa pe: —Emaeño che taja tayuka Ismael, Netanías taɨ, mbaetɨ eteita kia oikuaa. ¿Maera pa ñamaeñota kia ndeyuka? Echa jökorai yave opata oñemoai kuae Judáɨgua reta yogüeru ndekotɨ vae, jare opata okañɨtei.

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

EZEQUIEL 12:16

Ërei aroasayepeñota amogüe reta ñeraro güi, karuai güi jare mbaerasɨ ovakatu vae güi, imiari reta vaerä kerupi ïru tëtaguasu reta pe yogüɨrajaa rupi, ikavimbae oyapo reta vae re; jare oikuaa retata che ko jae iYa vae.”

OSEAS 8:10

Yepe tëi omee mbota reta ïru tëtaguasu reta rupi, ërei opata amboatɨ reta, opa vaerä amoai moai, jare oiporara retata michi pegua, mburuvicha guasu jare imborɨa reta ikovara yae jeko pegua.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

AMÓS 7:2

Jare tuku reta opa ma jou ñana reta yave, che jae: —¡CheYa Tumpa, neɨ̈ro oreve añave! ¿Kia pa omborɨta Jacob iñemuña reta? Echa michi yae ko.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

Hechos 8:24

Jayave Simón jei chupe reta: —Peyerure cheré yandeYa pe, agüɨye vaerä kuae pere cheve vae oyeapo cheve.

DEUTERONOMIO 28:62

Jare mbovɨ yae pepɨtata, peiko tëi ma reve jeta yeyé yasɨtata rami, mbaetɨ ramo peendu yandeYa Tumpa iñee.

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

1 SAMUEL 12:19

Jayave opaete vae jei Samuel pe: —Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

1 SAMUEL 7:8

Jayave jei reta Samuel pe: “Agüɨye tosondo ndeyerure yandeYa Tumpa pe oreré, jae orereepɨ vaerä filisteo reta ipo güi.”