JEREMÍAS 42:17 - Biblia Guarani Tumpa Iñee

¹⁷ Opaete ikɨ̈reɨ ojo oiko Egipto pe vae, omanota joko pe ñeraro rupi, karuai jare mbaerasɨ ovakatu vae rupi. Mbaetɨ eteita kia oikove; mbaetɨ eteita kia oasayepe susere tuicha yae aruta jese reta vae güi.’

JEREMÍAS 42:17 ပူးပေါင်းရင်းမြစ်များ

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 38:2

“YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’

JEREMÍAS 42:15

jáeramo, peyeapɨsaka pe Judá pe perembɨregüe reta, yandeYa Imbaepuere yae ete vae jei peve vae re: ‘Pekɨ̈reɨñoi peo peiko Egipto pe yave,

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 44:28

Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.

EZEQUIEL 11:8

Pe reta pekɨɨye ñeraro güi. Ërei ambouta ñeraro peve reta. Che peYa ko jae kuae.